આવતા જ ધૂમ મચાવશે 3 લાખની આ ઈલેક્ટ્રિક કાર, સિંગલ ચાર્જમાં 1200 km દોડશે
ઈલેક્ટ્રિક વ્હીકલ (EV) સેગમેન્ટ ચીનમાં ઝડપથી આગળ વધી રહ્યું છે અને તે દરમિયાન નવી નાની ઈલેક્ટ્રિક કાર વિશે ઘણી ચર્ચા થઈ રહી છે.
New Electric Car : ઈલેક્ટ્રિક વ્હીકલ (EV) સેગમેન્ટ ચીનમાં ઝડપથી આગળ વધી રહ્યું છે અને તે દરમિયાન નવી નાની ઈલેક્ટ્રિક કાર વિશે ઘણી ચર્ચા થઈ રહી છે. આ કાર બેસ્ટ્યુન બ્રાન્ડની Xiaoma છે, જે ગયા વર્ષે લોન્ચ કરવામાં આવી હતી. આ કારની ખાસ વાત એ છે કે તે એક વાર ચાર્જ કરવા પર 1200 કિમી સુધી ચાલી શકે છે અને તેની કિંમત 30,000 થી 50,000 યુઆન (લગભગ 3.47 લાખથી 5.78 લાખ રૂપિયા) વચ્ચે છે.
બેસ્ટ્યુન શાઓમાની ફિચર્સ અને સ્પેસિફિકેશન
બેસ્ટ્યુન શાઓમા એપ્રિલ 2023 માં શાંઘાઈ ઓટો શોમાં રજૂ કરવામાં આવી હતી. તેના હાર્ડટોપ અને કન્વર્ટિબલ વેરિયન્ટ બંને રજૂ કરવામાં આવ્યા હતા. આ કારમાં 7-ઇંચની ટચસ્ક્રીન ઇન્ફોટેનમેન્ટ સિસ્ટમ છે, અને ડેશબોર્ડ પર એક ઉત્તમ ડ્યુઅલ-ટોન થીમ આપવામાં આવી છે. આ કારમાં એરોડાયનેમિક વ્હીલ્સનો ઉપયોગ કરવામાં આવ્યો છે, જે રેન્જ વધારવામાં મદદરૂપ છે.
ફીચર્સ અને પ્લેટફોર્મ
બેસ્ટ્યુન શાઓમા FME પ્લેટફોર્મ પર આધારિત છે, જે ખાસ કરીને EVs અને રેન્જ એક્સટેન્ડર્સ માટે ડિઝાઇન કરવામાં આવ્યું છે. અગાઉ, NAT નામની રાઇડ-હેલિંગ ઇવી પણ આ પ્લેટફોર્મ પર બનાવવામાં આવી હતી. FME પ્લેટફોર્મ A1 અને A2 નામના બે સબ-પ્લેટફોર્મ ધરાવે છે. A1 સબ-પ્લેટફોર્મ 2700-2850 mmના વ્હીલબેઝવાળી કાર માટે છે, જ્યારે A2 નો ઉપયોગ 2700-3000 mmના વ્હીલબેઝવાળી કાર માટે થાય છે. આ પ્લેટફોર્મનું 800 V આર્કિટેક્ચર રેન્જ વધારવામાં મદદ કરે છે.
પાવર અને સેફ્ટી
શાઓમાને પાવર આપવા માટે 20kW ની ઇલેક્ટ્રિક મોટર છે, જે પાછળની શાફ્ટ પર સ્થિત છે. જેમાં વપરાયેલી બેટરી લિથિયમ-આયર્ન ફોસ્ફેટ (LFP) યુનિટ છે, જે ગોશન અને REPT દ્વારા પૂરી પાડવામાં આવે છે. સુરક્ષાને ધ્યાનમાં રાખીને બેસ્ટ્યુન શાઓમામાં ડ્રાઈવર સાઇડ એરબેગ આપવામાં આવી છે. આ કાર 3-દરવાજા સાથે આવે છે અને તેના કદ વિશે વાત કરીએ તો તેની લંબાઈ 3000mm, પહોળાઈ 1510mm અને ઊંચાઈ 1630mm છે. તેનું વ્હીલબેઝ 1953mm છે.
તે ભારતીય બજારમાં ક્યારે લોન્ચ થશે ?
બેસ્ટ્યૂન શાઓમાને પણ ભારતીય બજારમાં લાવવાની અપેક્ષા છે, જ્યાં તે Tata Tiago EV અને MG Comet EV સાથે સ્પર્ધા કરશે. ચીનમાં માઈક્રો ઈલેક્ટ્રિક કારની માંગ ઘણી વધારે છે અને બેસ્ટ્યુન શાઓમા આ સેગમેન્ટમાં પોતાનું એક ખાસ સ્થાન બનાવી શકે છે. ભારતીય જનતા આ ઈલેક્ટ્રિક કારના લોન્ચની આતુરતાથી રાહ જોઈ રહી છે, કારણ કે તે પરવડે તેવા ભાવે લાંબી રેન્જ ઓફર કરે છે.
ટોપ સ્ટોરી
ટ્રેન્ડિંગ સમાચાર
