પગાર ₹50,000 છે અને નવી Tata Sierra લેવી છે? ખરીદતા પહેલા સમજી લો કાર લોન અને EMI નું આખું ગણિત

ટાટા સીએરાની ઓન-રોડ કિંમત ₹13.30 લાખથી શરૂ થાય છે; જાણો 50 હજારના પગારમાં આ દમદાર SUV માટે લોન લેવી કેટલી યોગ્ય છે અને દર મહિને કેટલો હપ્તો આવશે.

tata sierra ev suv on road price emi calculator for 50000 monthly salary

Source : https://cars.tatamotors.com/

Show Quick Read

Key points generated by AI, verified by newsroom

• ટાટા સીએરાની ₹13.30 લાખની ઓન-રોડ કિંમત, ₹2 લાખ ડાઉન પેમેન્ટ.
• 5 વર્ષની લોન પર EMI ₹23,000 થી ₹24,500 આવશે.
• ₹50,000 પગારમાં ₹10,000 EMI શ્રેષ્ઠ, આ કાર મોંઘી.
• મોટું ડાઉન પેમેન્ટ અથવા સસ્તી કારનો વિકલ્પ જુઓ.

Tata Sierra On Road Price: જો તમે આ ઉનાળામાં નવી કાર ખરીદવાનું વિચારી રહ્યા છો અને મર્યાદિત બજેટ હોવા છતાં ટાટા મોટર્સની નવી અને દમદાર SUV 'Tata Sierra' (ટાટા સીએરા) લેવાનું સપનું જોઈ રહ્યા છો, તો કાર લોન એક સારો વિકલ્પ બની શકે છે. પરંતુ મોટાભાગના મધ્યમ વર્ગીય લોકોના મનમાં એ સવાલ ચોક્કસ થતો હોય છે કે જો તેમનો માસિક પગાર ₹50,000 હોય, તો શું તેઓ આ કાર સરળતાથી ફાઇનાન્સ કરાવી શકે? અને જો લોન મળે તો દર મહિને હપ્તો (EMI) કેટલો આવશે? આજે આપણે સરળ ભાષામાં સમજીશું કે 50 હજારના પગારમાં ટાટા સીએરા લેવા પર EMI કેટલો આવશે અને ફાઇનાન્શિયલ એક્સપર્ટ્સ આ વિશે શું સલાહ આપે છે.

ટાટા સીએરાની કિંમત અને બેઝ મોડલનું ગણિત

ટાટા સીએરાની શરૂઆતની એક્સ-શોરૂમ કિંમત અંદાજે ₹11.49 લાખથી શરૂ થાય છે અને તેના ટોપ વેરિઅન્ટની કિંમત ₹17.99 લાખ સુધી જાય છે. જો આપણે દિલ્હીની વાત કરીએ તો, તેના બેઝ મોડેલ 'સ્માર્ટ પ્લસ' ની ઓન-રોડ કિંમત લગભગ ₹13.30 લાખ જેટલી થાય છે.

જો તમે આ બેઝ મોડેલ ખરીદવા માટે શરૂઆતમાં ₹2 લાખનું ડાઉન પેમેન્ટ કરો છો, તો તમારે બાકીના ₹11.30 લાખની બેંક પાસેથી લોન લેવી પડશે. ધારો કે બેંકનો વ્યાજ દર 8.5% થી 10% ની વચ્ચે છે, તો તમારો EMI કંઈક આ રીતે બનશે:

5 વર્ષની લોન પર: દર મહિને અંદાજે ₹23,000 થી ₹24,500 નો હપ્તો આવશે.

3 વર્ષની લોન પર: સમયગાળો ઓછો હોવાથી EMI વધીને લગભગ ₹35,000 થઈ જશે.

7 વર્ષની લોન પર: લાંબા ગાળાની લોન લેશો તો હપ્તો ઘટીને અંદાજે ₹17,000 થી ₹18,000 ની વચ્ચે આવશે.

ઉપરના વેરિઅન્ટ્સ ખરીદો તો EMI કેટલો આવશે?

જો તમે બેઝ મોડલને બદલે 'પ્યોર' અથવા 'ડીઝલ' મોડેલ જેવા થોડા ઊંચા વેરિઅન્ટ પસંદ કરો છો, જેની ઓન-રોડ કિંમત ₹15 લાખ થી ₹17 લાખની આસપાસ છે, તો તમારો માસિક હપ્તો વધીને ₹30,000 થી ₹36,000 સુધી પહોંચી શકે છે. જો તમે સીધું જ ટોપ-એન્ડ વેરિઅન્ટ લેવાનું વિચારો છો, જેની ઓન-રોડ કિંમત ₹20 લાખ કે તેથી વધુ થઈ શકે છે, તો ₹2 લાખના ડાઉન પેમેન્ટ સાથે 5 વર્ષની લોન પર તમારો EMI લગભગ ₹38,000 ની આસપાસ પહોંચી જશે.

શું ₹50,000 ના પગારમાં આ કાર ખરીદવી સમજદારી છે?

હવે સૌથી મોટો સવાલ એ છે કે શું આ કાર લેવી જોઈએ? નાણાકીય નિષ્ણાતોના મતે (Financial Rule મુજબ), તમારી કાર લોનનો EMI તમારા હાથમાં આવતા માસિક પગારના 20% થી વધુ ન હોવો જોઈએ.
એટલે કે, જો તમારો પગાર ₹50,000 છે, તો તમારો EMI ₹10,000 ની આસપાસ હોવો જોઈએ. પરંતુ આપણે ઉપર જોયું તેમ, 7 વર્ષની સૌથી લાંબી લોન લો તો પણ ટાટા સીએરાનો ઓછામાં ઓછો EMI ₹17,000 થી ₹18,000 થી શરૂ થાય છે.

આમ, તમારા પગારની સરખામણીમાં આ હપ્તો ઘણો મોટો કહેવાય. ભલે તમારી પાસે હાલમાં ઘરનો અન્ય કોઈ મોટો ખર્ચ કે બીજી કોઈ લોન ન હોય, તો પણ ₹50 હજારના પગારમાં આ SUV ખરીદવી તમારા બજેટ પર મોટું દબાણ લાવી શકે છે. નાણાકીય તણાવથી બચવા માટે, તમારે કાં તો ડાઉન પેમેન્ટની રકમ ઘણી મોટી કરવી પડશે અથવા તો કોઈ સસ્તી કારના વિકલ્પ તરફ જવું વધુ હિતાવહ રહેશે.

આ પણ વાંચો

માત્ર ₹6 લાખના બજેટમાં માણો લક્ઝરી કારનો આનંદ! Tata Tigorથી લઈને Maruti Dzire સુધી, આ છે ભારતની સૌથી સસ્તી સેડાન