હવે નવા અવતારમાં જલદી લૉન્ચ થશે Toyota Fortuner, કિંમતથી લઇ લૉન્ચિંગ સુધી, જાણો અહીં બધું...
Toyota Fortuner Mild Hybrid: તહેવારોની સિઝનને કારણે આગામી કેટલાક મહિનામાં ઘણી નવી કાર લૉન્ચ થવાની આશા છે
Toyota Fortuner Mild Hybrid: તહેવારોની સિઝનને કારણે આગામી કેટલાક મહિનામાં ઘણી નવી કાર લૉન્ચ થવાની આશા છે. તાજેતરમાં ટોયોટાએ માંગને પહોંચી વળવા કર્ણાટકના બિદાદીમાં તેની ઉત્પાદન સુવિધાનો વિસ્તાર કર્યો છે. ટૂંક સમયમાં કંપની ટોયોટા ફૉર્ચ્યૂનર માઈલ્ડ હાઈબ્રિડનું પાવરફૂલ વર્ઝન પણ લૉન્ચ કરી શકે છે.
ટોયોટાએ આ વર્ષની શરૂઆતમાં ફૉર્ચ્યૂનર માઈલ્ડ-હાઈબ્રિડ મૉડલ ઈન્ટરનેશનલ માર્કેટમાં લૉન્ચ કર્યું હતું. આ નવી 48V સિસ્ટમ 2.8-લિટર ડીઝલ એન્જિન સાથે આવે છે. ડીઝલ એન્જિનમાં કરાયેલા ફેરફારોને કારણે તેનો પાવર 201 Bhp થી વધીને 217 Bhp અને 550 Nm થશે.
વર્ષના અંતથી પહેલા લૉન્ચ થઇ શકે છે નવી ફૉર્ચ્યૂનર
Toyotaએ ભારતીય બજારમાં નવી Fortuner MHEVના લૉન્ચ વિશે કોઈ માહિતી આપી નથી. એવું કહેવામાં આવી રહ્યું છે કે ફૉર્ડ એન્ડેવરને આ વર્ષના અંત પહેલા દેશમાં ફરીથી લૉન્ચ કરવામાં આવી શકે છે, તેથી ટોયોટા આ SUVને 2024ના અંત અથવા 2025ની શરૂઆતમાં રજૂ કરી શકે છે. કિંમત વિશે વાત કરીએ તો, ટોયોટા ફૉર્ચ્યૂનર માઈલ્ડ હાઈબ્રિડની કિંમત મુંબઈમાં 40 લાખ રૂપિયાથી શરૂ થઈને 53 લાખ રૂપિયા સુધી જઈ શકે છે.
નવી Toyota Fortuner MHEVને સૌપ્રથમ દક્ષિણ આફ્રિકામાં લૉન્ચ કરવામાં આવી હતી, ત્યારબાદ તેને અન્ય આંતરરાષ્ટ્રીય બજારોમાં રજૂ કરવામાં આવી હતી. આ નવા મૉડલની એક્સટર્નલ ડિઝાઈનમાં કોઈ ફેરફાર કરવામાં આવ્યો નથી.
ટોયોટાની આ SUV મા મળી શકે છે આ ફિચર્સ
એવી અપેક્ષા રાખવામાં આવે છે કે ટોયોટા આ SUVની ડિઝાઇનને ફ્રેશ કરવા માટે કેટલાક કૉસ્મેટિક ફેરફારો કરી શકે છે. અંદરની વાત કરીએ તો, તેમાં 360-ડિગ્રી કેમેરા, મોટી ટચસ્ક્રીન ઇન્ફૉટેનમેન્ટ સિસ્ટમ, વેન્ટિલેટેડ સીટો અને ADAS જેવી નવી ટેક્નોલોજીનો પણ સમાવેશ થઈ શકે છે.
એકંદરે, નવી Toyota Fortuner MHEV ભારતીય બજારમાં અપડેટેડ પાવરફૂલ SUV તરીકે આવવા જઈ રહી છે. નવી સુવિધાઓ અને સંભવિત ડિઝાઇન અપડેટ્સ સાથે આ SUV માત્ર પ્રદર્શનની દ્રષ્ટિએ જ નહીં પરંતુ ટેક્નોલોજીની દ્રષ્ટિએ પણ મજબૂત સાબિત થઈ શકે છે.
આ પણ વાંચો
હવે કારની કિંમતો અડધી થઈ જશે! કેન્દ્રીય મંત્રી નીતિન ગડકરીએ કહ્યું સુપર ફોર્મ્યુલા
ટ્રેન્ડિંગ સમાચાર
ટોપ સ્ટોરી
