મોંઘી થઈ ગઈ Toyota Innova Hycross, હવે કાર ખરીદવા આટલા લાખ ખર્ચવા પડશે
ટોયોટા ઇનોવા હાઇક્રોસ એક MPV છે. કંપનીએ આ કારની કિંમતમાં વધારો કર્યો છે. ઈનોવા હાઈક્રોસની કિંમતમાં 36 હજાર રૂપિયા સુધીનો વધારો થયો છે.
Toyota Innova Hycross New Price : ટોયોટા ઇનોવા હાઇક્રોસ એક MPV છે. કંપનીએ આ કારની કિંમતમાં વધારો કર્યો છે. ઈનોવા હાઈક્રોસની કિંમતમાં 36 હજાર રૂપિયા સુધીનો વધારો થયો છે. કારની કિંમતમાં વધારા બાદ આ કારની એક્સ-શોરૂમ કિંમત 19.94 લાખ રૂપિયાથી શરૂ થઈને 31.34 લાખ રૂપિયા થઈ ગઈ છે.
ઈનોવા ભાવ વધારો
ટોયોટા ઈનોવા હાઈક્રોસ છ ટ્રીમ સાથે બજારમાં ઉપલબ્ધ છે. આ કારના GX, GX(O), VX, VX(O), ZX અને ZX(O) વેરિઅન્ટ ભારતીય બજારમાં સામેલ છે. તેના એન્ટ્રી લેવલ વેરિઅન્ટ GX અને GX(O)ની કિંમતમાં 17 હજાર રૂપિયાનો વધારો થયો છે. આ કારના મિડ-વેરિઅન્ટ VX અને VX(O)ની કિંમતમાં 35 હજાર રૂપિયાનો વધારો થયો છે. ઈનોવાના ટોપ મોડલ ZX અને ZX(O)ની કિંમતમાં 36 હજાર રૂપિયાનો વધારો કરવામાં આવ્યો છે.
ઇનોવાનો વેઇટિંગ પિરિયડ કેટલો છે ?
મીડિયા રિપોર્ટ્સ અનુસાર, ઇનોવા હાઇક્રોસનો વેઇટિંગ પિરિયડ પણ ઓછો થયો છે. આ વાહનના પેટ્રોલ વેરિઅન્ટ માટે તમારે 45 થી 60 દિવસ સુધી રાહ જોવી પડી શકે છે. જ્યારે તમે આજે તેના ટોપ વેરિઅન્ટ્સ માટે બુકિંગ કરો છો, તો તમને આ કારની ચાવી છ મહિના પછી મળશે. જ્યારે પેટ્રોલ હાઇબ્રિડ વેરિઅન્ટ માટે તમારે 45 દિવસ રાહ જોવી પડશે. ગયા મહિના સુધી આ વાહનનો વેઇટિંગ પિરિયડ આઠ મહિના સુધી પહોંચી ગયો હતો.
ઇનોવા હાઇક્રોસ પાવર
ટોયોટા ઇનોવા હાઇક્રોસ 2.0-લિટર પેટ્રોલ એન્જિનથી સજ્જ છે. વાહનમાં લાગેલું આ એન્જિન 172 hpનો પાવર આપે છે. આ એન્જિન સાથે ઓટોમેટિક ગિયર બોક્સ પણ ફીટ કરવામાં આવ્યું છે. ઇનોવામાં મજબૂત હાઇબ્રિડ ટેક્નોલોજી સાથે 2.0 લિટર પેટ્રોલ એન્જિનનો વિકલ્પ પણ છે, જે 184 એચપીનો પાવર આપે છે.
ઇનોવા 7-સીટર અને 8-સીટર કન્ફિગરેશન સાથે આવે છે. આ વાહન સુરક્ષા માટે 6 SRS એરબેગ્સથી પણ સજ્જ છે. આ કાર સાત કલર ઓપ્શન સાથે માર્કેટમાં છે. આ કારને લોકો દ્વારા ખૂબ જ પસંદ કરવામાં આવે છે. પહેલા આ કાર ખરીદવા માટે વેઈટિંગ પિરીયડ ખૂબ લાંબો હતો હવે આ કાર સરળતાથી મળી શકે છે.
Maruti Suzuki એ આપ્યો મોટો ઝટકો! હવે કાર ખરીદવી થશે મોંઘી, આટલી વધી જશે કિંમત
ટ્રેન્ડિંગ સમાચાર
ટોપ સ્ટોરી
