GST: રેટ થયા નક્કી, જાણો શું સસ્તું થશે અને ક્યાં વધારે રૂપિયા ચૂકવવા પડશે

એર કન્ડીશનર અને રેફ્રીજરેટને 28 ટકા ટેક્સ સ્લેબમાં રાખવામાં આવશે જેના પર હાલમાં 31 ટકાના દરે ટેક્સ લાગે છે, માટે તેની કિંમતમાં પણ આવનારા દિવસોમાં ઘટાડો ધવાની શક્યતા છે.

જીવન રક્ષક દવાઓને પાંચ ટકા કર સ્લેબમાં રાખવામાં આવી છે.

સોના પર રાજ્યોએ ચાર ટકા રેટ રાખવાની માગ કરી છે, જે 5, 12, 18 અને 28 ટેક્સના મંજૂર બેન્ડમાં સામેલ નથી.

સોફ્ટ ડ્રિંક અને કારને 28 ટકાના મહત્ત્મ સ્લેબમાં રાખવામાં આવ્યા છે. આ દર ઉપરાંત નાની કર પર એક ટકા સેસ, મધ્ય શ્રેણીની કાર પર ત્રણ ટકા અને મોંઘી કાર પર 15 ટકા સેસ લાગશે. જેના કારણે સોફ્ટ ડ્રિંક અને કાર વધુ મોંઘી થશે.

જીએસટીમાં આવનારી તમામ વસ્તુઓમાંથી સાત ટકા સામાન એક્ઝમ્પ્ટ યાદીમાં રહેશે, જ્યારે 14 ટકા સામાનો પર જીએસટીનો સૌથી ઓછો રેટ પાંચ ટકા રાખવામાં આવ્યો છે. 17 ટકા સામાન 12 ટકાના ટેક્સ સ્લેબમાં, જ્યારે 43 ટકા સામાન 178 ટકા સ્લેબમાં રહેશે. માત્ર 19 ટકા સામાન પર જ જીએસટીનો મહત્તમ દર એટલે કે 28 ટકા લેવામાં આવશે. એરટેડ ડ્રિંક અને કાર આ જ સ્લેબમાં છે.

જીએસટીમાં કોલસા પર પાંચ ટકાનાદરે ટેક્સ લાગશે, જેના પર હાલમાં 11.69 ટકાના દરે ટેક્સ લાગી રહ્યો છે. કોલસાનો સૌથી વધારે ઉપયોગ વીજળી બનાવવામાં અને સ્ટીલ ઉદ્યોગમાં થાય છે. એટલે કે જીએસટી લાગુ થયા બાદ વીજળી અને સ્ટીલ પણ સસ્તા થવાની શક્યતા છે.

તેવી જ રીતે ચા, કોફી, ખાદ્ય તેલ જેવા જરૂરી પદાર્થો પર પાંચ ટકાના દરે જીએસટી લાગશે જેના પર હાલમાં 4થી 6 ટકાના દરે વેટ લાગશે. તેલ, સાબુ, ટુથ પેસ્ટ જેવી રોજિંદી ઉપયોગમાં લેવાતી વસ્તુ પર 18 ટકાના દરે ટેક્સ લાગશે. હાલમાં આ વસ્તુ પર 28 ટકાના દરે ટેક્સ લાગી રહ્યો છે, માટે જીએસટી આવવાથી આ વસ્તુ માટે લોકોએ ઓછી કિંમત ચૂકવવી પડશે.

કેન્દ્રીય રેવન્યૂ સચિવ હસમુખ અઢિયા અનુસાર દૂધ, દહીં, ગોળ જેવા પદાર્થો પર જીએસટીમાં છૂટ મળશે. એટલે કે આ સામાન એક્ઝમ્પ્ટ શ્રેણીમાં રાખવામાં આવશે. તેની સાથે જ અનાજ પર પણ શૂન્ય કર લાગશે. હાલમાં કેટલાક રાજ્યોમાં કેટલાક અનાજ પર પાંચ ટકા વેટ લાગે છે. આમ જીએસટી આવવાથી અનાજ સસ્તું મળશે.

નવી દિલ્હીઃ નવી ટેક્સ વ્યવસ્થાને લાગુ કરવા તરફ આગળ વધતા જીએસટી કાઉન્સિલે ટેક્સ સ્લેબ નક્કી કરી લીધા છે. સંભવતઃ 1 જુલાઈથી લાગુ કરવામાં આવનાર ગુડેસ એન્ડ સર્વિસીસ ટેક્સને લઈને હાલમાં 1211 વસ્તુઓના દર નક્કી કરવામાં આવ્યા છે. તેમાંથી મોટાભાગની વસ્તુને 18 ટકાના સ્લેબમાં રાખવામાં આવી. આગળ વાંચો કઈ વસ્તુ સસ્તી થશે અને કઈ વસ્તુ મોંઘી થશે.