Crime News: આઝાદી સાથે સંકળાયેલ ગુજરાતના આ આશ્રમમાં બાળકોનું યૌન શોષણ થતું હોવાની ફરિયાદ થતા ખળભળાટ
ડાંગ: જિલ્લાના સ્વરાજ આશ્રમમાં બાળકોનું યૌન શોષણ થતુ હોવાની ફરિયાદ થતાં ખળભળાટ મચી ગયો છે. આહવા પોલીસમાં નનામી અરજી થતા પોલીસે તપાસ હાથ ધરી છે.
ડાંગ: જિલ્લાના સ્વરાજ આશ્રમમાં બાળકોનું યૌન શોષણ થતુ હોવાની ફરિયાદ થતાં ખળભળાટ મચી ગયો છે. આહવા પોલીસમાં નનામી અરજી થતા પોલીસે તપાસ હાથ ધરી છે. અરજી મુજબ ડાંગ સ્વરાજ આશ્રમ શાળાનાં બાળકોનું એક ઈસમ દ્વારા યૌન શોષણ કરવામાં આવે છે. ટ્રસ્ટી વનરાજભાઈ નાયકના દીકરા વિરુદ્ધ યૌન શોષણની ફરિયાજ થતા આશ્રમ વિવાદમાં આવ્યો છે. ટ્રસ્ટીનો દીકરો અમિત નાયક સ્વરાજ આશ્રમમાં ગેરકાયદેસર રીતે રહીને બાળકોને ભણાવે છે. અમિત નાયક વર્ગમાં બાળકોનાં શરીર સાથે ગંદા અડપલા કરતો હોવાની અરજી કરવામાં આવે છે. આઝાદી સાથે સંકળાયેલ ડાંગ સ્વરાજ આશ્રમમાં યૌન શોષણની ફરિયાદ સંવેદનશીલ હોય પોલીસે તુરંત કાર્યવાહી હાથ ધરી છે. ડાંગ પોલીસે ડાંગ સ્વરાજ આશ્રમ ખાતે તપાસ હાથ ધરી છે.
40 વર્ષીય લિવ-ઇન પાર્ટનરની ટુવાલ વડે ગળું દબાવીને હત્યા
શ્રદ્ધા વોકર પછી નિક્કી યાદવની હત્યા અને હવે આવી જ બીજી ઘટના મહારાષ્ટ્રના પાલઘરમાં સામે આવી છે. જ્યાં હાર્દિક શાહ નામના 27 વર્ષના યુવકે તેની લિવ-ઈન પાર્ટનર મેઘા થોરવીની હત્યા કરી નાખી. હાર્દિક શાહ અને મેઘા થોરવી બંને નાલાસોપારાના વિજયનગરમાં ભાડાના ફ્લેટમાં સાથે રહેતા હતા. મળતી માહિતી મુજબ, હાર્દિક શાહ તુલિંજ પોલીસ સ્ટેશનમાં જાણ કરવા ગયો હતો કે તેણે તેના લિવ-ઇન પાર્ટનરની હત્યા કરી હતી અને તેના મૃતદેહને નાલાસોપારામાં તેમના ભાડાના રૂમમાં પથારીમાં છુપાવી દીધો હતો.
પોલીસના જણાવ્યા અનુસાર, હાર્દિકે પોલીસ સ્ટેશનની આસપાસ લગભગ બે કલાક પસાર કર્યા, પરંતુ કબૂલાત કરવાની હિંમત એકઠી કરી શક્યો નહીં અને આખરે શહેર છોડીને ભાગી ગયો. જે બાદ શાહની રાજસ્થાનથી ધરપકડ કરવામાં આવી હતી અને બુધવારે 15 ફેબ્રુઆરીએ મુંબઈ લાવવામાં આવ્યો હતો. મુંબઈ લાવવામાં આવ્યા બાદ તેને વસઈની સ્થાનિક કોર્ટમાં રજૂ કરવામાં આવ્યો હતો. જ્યાં તેને 21 ફેબ્રુઆરી સુધી પોલીસ કસ્ટડીમાં મોકલી દેવામાં આવ્યો છે.
'ગુના કરવા માગતો હોવાની કબૂલાત'
એક વરિષ્ઠ પોલીસ અધિકારીએ જણાવ્યું કે શાહ તુલિંજ ગુનો કર્યા પછી લગભગ બે કલાક સુધી પોલીસ સ્ટેશન પરિસરમાં લાગેલા સીસીટીવી કેમેરાના ફૂટેજમાં જોવા મળ્યો હતો, પરંતુ તે પોલીસ સ્ટેશન આવ્યો ન હતો. બાદમાં રાજસ્થાન જતી ટ્રેનમાં ભાગી ગયો હતો. તેમણે કહ્યું કે જ્યારે અમે શાહને પોલીસ સ્ટેશનની બહાર તેમની હાજરી વિશે પૂછ્યું તો તેમણે કહ્યું કે તેઓ શું કરવું તે નક્કી કરવાની માનસિક સ્થિતિમાં નથી. પોલીસ અધિકારીએ કહ્યું કે શાહે તેમને કહ્યું કે તે ગુનાની કબૂલાત કરવા માંગે છે, પરંતુ તે જ સમયે તે તેની લિવ-ઈન પાર્ટનર મેઘા થોરવીના મૃતદેહનો નિકાલ કેવી રીતે કરવો તે અંગે પણ વિચારી રહ્યો હતો.
શું છે મામલો?
11 ફેબ્રુઆરીના રોજ, મહારાષ્ટ્રના હાર્દિક શાહ નામના વ્યક્તિએ તેની 40 વર્ષીય લિવ-ઇન પાર્ટનર મેઘા થોરવીનું ટુવાલ વડે ગળું દબાવીને હત્યા કરી હતી અને પૈસાના વિવાદને કારણે તેના મૃતદેહને પથારીમાં છુપાવી દીધો હતો. ફરાર થતા પહેલા હાર્દિકે બેડ સિવાયનું તમામ ફર્નિચર વેચી દીધું હતું. અહેવાલો અનુસાર, મેઘાની હત્યા ત્યારે પ્રકાશમાં આવી જ્યારે બિલ્ડિંગના રહેવાસીઓએ એપાર્ટમેન્ટમાંથી દુર્ગંધ આવવાની જાણ કરી અને સ્થાનિક પોલીસ અધિકારીઓને બોલાવ્યા. પોલીસે આવીને રૂમનો દરવાજો ખોલ્યો ત્યારે મહિલાની લાશ મળી હતી.
ટ્રેન્ડિંગ સમાચાર
ટોપ સ્ટોરી
