યુપીમાં 12માં ધોરણની વિદ્યાર્થીની સાથે ગેંગરેપ, બાદમાં હત્યા કરી લાશને ગટરમાં ફેંકી દીધી

પોલીસની શોધખોળમાં અંતે તેનો મૃતદેહ ગ્રેટર નોઇડાના દાદરી વિસ્તારમાંથી મળી આવ્યો હતો, જે એક ગટરમાં પડ્યો હતો. મૃતદેહની ઓખળ માટે પોલીસે સોશ્યલ મીડિયાનો પણ સહારો લીધો હતો. પરિવારે મૃતદેહનો જોઇને ગેંગરેપની આશંકા જતાવી, તેમનું કહેવું છે કે જ્યાં સુધી ગુનેગારો પકડાઇ ના જાય ત્યાં સુધી મૃતદેહનો અંતિમ સંસ્કાર નહીં કરે.

એસપી સીટી પ્રવિણ રંજન સિંહે કહ્યું કે, પોસ્ટમોર્ટમ રિપોર્ટ અને સ્લાઇડ રિપોર્ટ બાદ જ રેપની સ્પષ્ટતા થઇ શકશે, અત્યારે કેટલીક ટીમો તપાસ કરી રહી છે, જેમાં 5 શકમંદોને પણ પકડવામાં આવ્યા છે અને પુછપરછ કરાઇ રહી છે.