Crime News: માનસિક અસક્ષમ સગીરા પર 5 નરાધમોએ 1 વર્ષ સુધી આચર્યું દુષ્કર્મ, ગર્ભવતી બનતા પાપનો ભાંડો ફૂ્ટ્યો
Crime News: ભરૂચના અંકલેશ્વર તાલુકાના એક ગામની માનસિક અસક્ષમ સગીરા સાથે એક આધેડ, બે સગીર અને બે યુવા દુષ્કર્મીઓએ એક વર્ષ સુધી દુષ્કર્મ ગુજાર્યો હોવાની ઘટના સામે આવતા ખળભળાટ મચી ગયો છે.
Crime News: ભરૂચના અંકલેશ્વર તાલુકાના એક ગામની માનસિક અસક્ષમ સગીરા સાથે એક આધેડ, બે સગીર અને બે યુવા દુષ્કર્મીઓએ એક વર્ષ સુધી દુષ્કર્મ ગુજાર્યો હોવાની ઘટના સામે આવતા ખળભળાટ મચી ગયો છે.
સગીરા તેના પરિવાર સાથે રહેતી હતી. જોકે તેની માનસિક અસક્ષમતાનો ગેરલાભ ઉઠાવી પાંચેય આરોપીઓએ એક વર્ષ સુધી સગીરાનું શારીરિક શોષણ કર્યું હતું. આખરે સગીરાને ગર્ભ રહી જતા સમગ્ર ઘટના સામે આવી છે. સગીરાને ધમકાવી એક વર્ષમાં પાંચેય આરોપીઓએ તેના પર દુષ્કર્મ આચર્યું હતું. પીડિતાને ગર્ભ રહી જતા આ તમામ નરાધમોનું પાપ લોકોની સામે આવ્યું હતું.
સગીરા પર પાંચેય નરાધમોએ એક વર્ષમાં આચરેલા દુષ્કર્મમાં હાલ તેને 6 મહિનાનો ગર્ભ છે. અંકલેશ્વર તાલુકા પોલીસે દુષ્કર્મી આધેડ, બે સગીર અને બે નરાધમ યુવાનો સામે પોકસો એક્ટ હેઠળ ગુનો નોંધી તેઓને હીરાસતમાં લઈ લીધા છે. પીડિત સગીરા અને આરોપીઓનું તબીબી પરિક્ષણની કાર્યવાહી હાથ ધરી આગળની તપાસ ચલાવાઈ રહી છે.
રાજકોટમાં ફરી હત્યાની ઘટના સામે આવી છે. રાજકોટ-ભાવનગર રોડ પર શક્તિ સોસાયટીમાં ડબલ મર્ડરની ઘટના સામે આવી છે. શક્તિ સોસાયટીમાં આવેલા MBS ઓર્નામેન્ટ કારખાનમાં બે પરપ્રાંતિય મજૂરોની હત્યા કરવામાં આવી છે. ચોરીની આશંકાએ માર મારતા હત્યા કરાઇ હોવાનું પ્રાથમિક અનુમાન છે. ઘટનાની જાણ થતા ડીસીપી,ક્રાઇમ બ્રાન્ચ સહિત પોલીસનો કાફલો ઘટનાસ્થળે પહોંચ્યો હતો. રાહુલ અને મીનુ નામના બે યુવકોની હત્યા કરવામાં આવી છે. હત્યાની ઘટનાને પગલે સમગ્ર પંથકમાં અરેરાટી મચી જવા પામી છે.
ડબલ મર્ડરની ઘટના મામલે DCP ઝોન-1 સજ્જન સિંહ પરમારે નિવેદન આપ્યું છે. તેમણે કહ્યું કે, મૃતક રાહુલ mbs ઓર્નામેન્ટ નામના કારખાનામાં કામ કરતો હતો. મૃતક રાહુલ ચોરી કરેલો માલ મીનુને પહોંચાડતો હતો. રાહુલ ચાંદી ચોરતા પકડાતા રાહુલ અને મીનુને લઇ અવાયા હતા.
કારખાનાનાં માલિક સાગર સાવલિયા,મેનેજર વિપુલ મોલિયા, હિમાલય, ધવલ તેની સાથે મજૂરો કોન્ટ્રાકટર તન્મય અને પ્રદીપે લાકડાના ધોકા અને પાઇપથી માર માર્યો હતો. તન્મય અને વિપુલને કારખાનામાંથી ત્રણ કિલો ચાંદી ઓછી હોવાનું જાણવા મળ્યું હતું. રાહુલ પર વોચ રાખતા તેની પાસેથી 100 ગ્રામ ચાંદી મળી આવી હતી. ત્યાર બાદ બંન્નેને કારખાને લઇ જઇ માર મારવામાં આવ્યો હતો. જો કે, વધુ પડતો માર મારવાને કારણે બન્નેના મોત થયા હતા. આ આ ઘટના હત્યામાં પરિણમી હતી. આ ઉપરાંત હજુ પણ આ મામલે કોઈની સંડોવણી છે કે કેમ સમગ્ર મામલે તપાસ ચાલુ છે. અત્યાર સુધી કુલ છ લોકોની અટકાયત કરવામાં આવી છે.
જે બાદ બંને મજૂરને માર માર્યા બાદ તેના મોત થયાની અને ડબલ મર્ડરની વિગતો જાહેર થતાં ડીસીપી ઝોન-૧ સજ્જનસિંહ પરમાર, ડીસીપી ક્રાઇમ ડો. પાર્થરાજસિંહ ગોહિલ અને એસીપી ક્રાઇમ બીબી બસીયા સહિત અન્ય પોલીસના અધિકારીઓ ઘટના સ્થળે પહોંચ્યા હતા. જે બાદ સમગ્ર ઘટનાની જીણભરી તપાસ શર કરવામાં આવી હતી.
ટોપ સ્ટોરી
ટ્રેન્ડિંગ સમાચાર
