ગીધની જેમ ફાડી નાખ્યું હતું શરીર,પોસ્ટમોર્ટમ કરનાર ડોક્ટર પણ હચમચી ગયા, મેડિકલ કોલેજના વિદ્યાર્થિની દર્દનાક દાસ્તાન
16 ડિસેમ્બર 2012ની રાત્રે દિલ્લીમાં એવી ભયંકર ઘટના બની તેને કદાચ ક્યારેય નહિ ભૂલી શકાય, આવી એક શરમજનક ઘટના કોલકતાની મેડિકલ કોલેજની વિદ્યાર્થિની સાથે બની, જેના મૃતદેહે પીએમ કરતાં તબીબના હાથ કાંપી ઉઠ્યાં
કોલકાતાની સરકારી મેડિકલ કોલેજમાં ઇન્ટરશિપ કરતી લેડી ડૉક્ટરનો મૃતદેહ મળી આવ્યો હતો અને પોસ્ટમોર્ટમ રિપોર્ટમાં જાતીય હુમલો અને હત્યાની પુષ્ટિ થઈ હતી. આરોપી સંજય રોયની ધરપકડ કરવામાં આવી છે. ડૉક્ટરે પીડિતાને બચાવવા ખૂબ મહેનત કરી પરંતુ સફળ ન થઈ શક્યા. આ ઘટનાથી સમગ્ર શહેરમાં ખળભળાટ મચી ગયો હતો. પોલીસે વિશેષ તપાસ ટીમ બનાવી છે.
મેડિકલની વિદ્યાર્થિની ખૂબ આશાસ્પદ હતી. તેના માતા-પિતા અને તેનું સપનું પૂરું થયું હતું. દિવસ-રાત મહેનત કરીને તે ડોક્ટર બની હતી. . તેની આંખોમાં ઘણા સપના હતા પરંતુ તે બધા સપનાઓ સાથે આ દુનિયા છોડી ગઈ. તેના ચહેરાથી પગ સુધી ઘણા ઘા હતા. પ્રાઈવેટ પાર્ટમાંથી લોહી નીકળતું હતું. ગરદન, ગાલ અને હોઠ પાસે બચકા ભર્યાના પણ નિશાન હતા. . જ્યારે પોસ્ટમોર્ટમ કરવામાં આવ્યું ત્યારે તબીબો પણ ચોંકી ઉઠ્યા હતા. એક વિકરાળ ગીધે માસૂમને ફાડી નાખી હોય તેવો તેનો મૃતદેહ હતો. તેઓએ તેના મોંમાં કપડું ભરીને તેની પર ક્રૂરતા કરી હતી. . એક-બે વાર નહીં પણ ઘણી વાર દુષ્કર્મ ગુજાર્યું હતું. તેના પ્રાઈવેટ પાર્ટમાં ગંભીર ઈજા થઈ હતી અને તેને લોહી વહેવા લાગ્યું હતું. પીડિતઓ આ નરાધમના સંકેજામાંથી છુટવાની કોશિશ કરી પરંતુ સફળ થઇ શકી ન હતી.
પશ્ચિમ બંગાળના કોલકાતાની સરકારી મેડિકલ કોલેજમાં કામ કરતા તાલીમાર્થી ડૉક્ટરની આ દર્દનાક કહાણી છે. તે રાબેતા મુજબ નાઈટ શિફ્ટ પર હતી, થોડો આરામ કરવા સેમિનાર હોલમાં ગઈ હતી પણ તેને ખબર નહોતી કે તે ત્યાંથી ફરી ક્યારેય પાછી નહીં આવે.
શુક્રવારે સવારે કેજી કાર મેડિકલ કોલેજમાં ટ્રેઇની ડોક્ટરનો મૃતદેહ મળી આવ્યો હતો. શુક્રવારે દિવસભર હોબાળો થયો હતો. પોલીસે પહેલા તેને આત્મહત્યા ગણાવી હતી પરંતુ અર્ધ નગ્ન શરીરની સ્થિતિ કંઈક બીજું જ કહી રહી હતી. તાલીમાર્થી તબીબના મૃતદેહનું વિડીયોગ્રાફી સાથે પોસ્ટમોર્ટમ કરવામાં આવ્યું હતું. તેના પ્રાથમિક પોસ્ટમોર્ટમ રિપોર્ટમાં પુષ્ટિ થઈ છે કે. દુષ્કર્મ બાદ તેની હત્યા કરવામાં આવી. પોલીસે હવે તાલા પોલીસ સ્ટેશનમાં કેસ નોંધ્યો છે અને એક આરોપી સંજય રોયની ધરપકડ કરી છે, જે મેડિકલ કોલેજનો હંગામી કર્મચારી છે.
તાલીમાર્થી તબીબ ચેસ્ટ રોગ ચિકિત્સા વિભાગના બીજા વર્ષની વિદ્યાર્થિની હતી અને ગુરુવારે રાત્રે ફરજ પર હતી. રાત્રે જુનિયર ડોક્ટર સાથે જમ્યા બાદ થોડીવાર આરામ કરવા સેમિનાર હોલમાં ગઇ હતી. તે સવાર સુધી પરત ન ફરતાં તપાસ કરતા બાદમાં સેમિનાર હોલમાં અર્ધ નગ્ન અવસ્થામાં મળી આવી હતી.
ટ્રેન્ડિંગ સમાચાર
ટોપ સ્ટોરી
