સુરતમાં રત્નકલાકાર પતિની હેવાનિયત: ઘરમાં દારૂની મહેફિલ બાદ પત્નીને 3 મિત્રોને સોંપી, નરાધમોએ કર્યો ગેંગરેપ

પ્રેમલગ્ન કરનાર 25 વર્ષીય પરિણીતાને મોઢું ખોલશે તો 'લાશ પણ નહીં મળે' તેવી ધમકી આપી; કંટાળેલી પત્નીએ પોલીસમાં ફરિયાદ નોંધાવતા પતિ સહિત 3 આરોપી ઝડપાયા, 1 ફરાર.

Surat Gangrape Case, Husband, 3 Friends Arrested After Woman Complaint

Source : ABPLIVE AI

Show Quick Read

Key points generated by AI, verified by newsroom

• પ્રેમલગ્ન બાદ પતિએ પત્નીને મિત્રો સાથે જ સંબંધ બાંધવા દબાણ કર્યું.
• નશામાં પતિ અને ત્રણ મિત્રોએ પરિણીતા પર કર્યો ગેંગરેપ.
• પરિણીતાની ફરિયાદ બાદ પોલીસે પતિ સહિત ત્રણ આરોપીઓની ધરપકડ કરી.
• પોલીસે પીડિતાની મેડિકલ તપાસ અને આરોપીઓની શોધખોળ શરૂ કરી.

સુરતના કાપોદ્રા વિસ્તારમાંથી એક અત્યંત ચોંકાવનારી અને હચમચાવી મૂકે તેવી ઘટના સામે આવી છે. અહીં પ્રેમલગ્ન કરીને આવેલા એક રત્નકલાકાર પતિએ હેવાનિયતની તમામ હદો પાર કરી દીધી છે. ઘરમાં જ દારૂની મહેફિલ જમાવ્યા બાદ નશામાં ધૂત પતિએ પોતાની 25 વર્ષીય પત્નીને પોતાના 3 મિત્રોના હવાલે કરી દીધી હતી. પતિ અને તેના 3 મિત્રોએ મળીને પરિણીતા પર સામૂહિક દુષ્કર્મ (ગેંગરેપ) ગુજાર્યો હતો અને જો કોઈને વાત કરી તો લાશ પણ ગાયબ કરી દેવાની ધમકી આપી હતી. આખરે ત્રાસથી કંટાળીને પરિણીતાએ કાપોદ્રા પોલીસ મથકે ન્યાયની ગુહાર લગાવતા પોલીસે પતિ સહિત 3 આરોપીઓની ધરપકડ કરી લીધી છે.

પ્રેમલગ્નનું આવું ભયાનક પરિણામ!

પોલીસ ફરિયાદમાં જણાવ્યા અનુસાર, ભોગ બનનાર 25 વર્ષીય પરિણીતાએ અમરેલીના બગસરાના વતની એવા એક યુવક સાથે પ્રેમલગ્ન કર્યા હતા. બંને સુરતના કાપોદ્રા વિસ્તારમાં આવેલી લક્ષ્મણ નગર સોસાયટી પાસે ભાડાના મકાનમાં રહેતા હતા અને પતિ હીરા ઘસવાનું કામ કરતો હતો. પતિની સાથે કામ કરતા તેના 3 મિત્રો અજય, જગો અને ચિરાગ અવારનવાર તેમના ઘરે આવતા અને ત્યાં જ રોકાતા હતા. પરિણીતાએ આક્ષેપ કર્યો છે કે, મે 2025 માં એક રાત્રે તેના પતિએ આ ત્રણેય મિત્રો સાથે ઘરમાં જ દારૂની મહેફિલ જમાવી હતી.

પતિની નજર સામે જ મિત્રોએ પીંખી નાખી

દારૂના નશામાં ચૂર થયેલા પતિ અને તેના મિત્રોએ અચાનક પરિણીતા સાથે ગાળાગાળી કરીને મારઝૂડ શરૂ કરી દીધી હતી. આ નરાધમોએ બળજબરીથી પરિણીતાના કપડાં ઉતારી નાખ્યા હતા અને પતિની હાજરીમાં જ તેના ત્રણેય મિત્રોએ વારાફરતી તેની પર દુષ્કર્મ ગુજાર્યું હતું. હદ તો ત્યારે થઈ ગઈ જ્યારે ખુદ પતિ પણ આ પાપમાં સામેલ થયો હતો. આ ભયાનક કૃત્ય કર્યા પછી આરોપીઓએ ધમકી આપી હતી કે, "જો કોઈની પણ સામે મોઢું ખોલ્યું છે તો તારી લાશ પણ નહીં મળે."

કંટાળીને પત્નીએ ઘર છોડ્યું અને પોલીસનું શરણું લીધું

આ ઘટના પછી પણ પરિણીતા સમાજની બીકે અને ડરના માર્યે મૂંગા મોઢે બધો અત્યાચાર સહન કરતી રહી. પરંતુ પતિની હેવાનિયત અહીં જ ન અટકી, તે અવારનવાર પત્ની પર તેના મિત્રો સાથે શારીરિક સંબંધ બાંધવા માટે દબાણ કરવા લાગ્યો હતો. અંતે આ ત્રાસથી કંટાળીને પરિણીતાએ ઘર છોડી દીધું હતું અને ભારે હિંમત ભેગી કરીને કાપોદ્રા પોલીસ સ્ટેશનમાં ફરિયાદ નોંધાવી હતી.

કાપોદ્રા પોલીસે મહિલા સુરક્ષાને પ્રાથમિકતા આપીને તાત્કાલિક એક્શન લીધા છે. પોલીસે અલગ-અલગ ટીમો બનાવીને પતિ સહિત 3 આરોપીઓને ઝડપી પાડ્યા છે, જ્યારે 1 ફરાર આરોપીની શોધખોળ ચાલી રહી છે. હાલ પીડિતાની મેડિકલ તપાસ અને અન્ય પુરાવાઓ એકઠા કરવાની કાર્યવાહી ચાલી રહી છે અને આરોપીઓને કડકમાં કડક સજા થાય તેવા પ્રયાસો હાથ ધરાયા છે.

આ પણ વાંચો

અમદાવાદ-વડોદરાની સ્કૂલોને ઉડાવી દેવાની ધમકી આપનાર પકડાયો, જાણો શું છે આખું કાવતરું?