![ABP Premium](https://cdn.abplive.com/imagebank/Premium-ad-Icon.png)
શિક્ષણ જગત શર્મસાર, ટ્યુશન શિક્ષકે વિદ્યાર્થીનીનો વિડીયો ઉતારી કલાસરૂમમાં જ અનેકવાર દુષ્કર્મ આચર્યું
Dahod News : આ વિદ્યાર્થનીને શિક્ષકથી ગર્ભ પણ રહી ગયો હતો જેને પડાવવા શિક્ષક અલગ અલગ દવાખાને ભટકી રહ્યો હતો.
![શિક્ષણ જગત શર્મસાર, ટ્યુશન શિક્ષકે વિદ્યાર્થીનીનો વિડીયો ઉતારી કલાસરૂમમાં જ અનેકવાર દુષ્કર્મ આચર્યું Tuition teacher shoots video and rapes student in Zhalod, Dahod district શિક્ષણ જગત શર્મસાર, ટ્યુશન શિક્ષકે વિદ્યાર્થીનીનો વિડીયો ઉતારી કલાસરૂમમાં જ અનેકવાર દુષ્કર્મ આચર્યું](https://feeds.abplive.com/onecms/images/uploaded-images/2022/05/26/b88347a6e1b6a68f1c1c8ddffbed18d9_original.jpg?impolicy=abp_cdn&imwidth=1200&height=675)
Dahod : દાહોદ જિલ્લામાં શિક્ષક જગતને શર્મસાર કરતી ઘટના સામે આવી છે. ઝાલોદમાં પોતાના ટ્યુશન કલાસીસમાં આવતી વિદ્યાર્થીનીનો વિડીયો ઉતારી બ્લેકમેલ કરી શિક્ષકે તેના પર દુષ્કર્મ આચર્યું હતું.
કહેવાય છે ગુરુ એ બાળકનું ભવિષ્ય ઉજ્વળ કરે પણ દાહોદ જિલ્લામાં એક શિક્ષકે તો પોતાની વિધાર્થીનું ભાવિ બગાડ્યું છે. ઝાલોદ ગામમાં આવેલ “હેતા“ કલાસીસમાં એક વિદ્યાર્થીની ભણતરમાં આગળ વધવા માટે આ કલાસમાં જોડાઈ હતી. જોકે પહેલેથી જ આ “હેતા કલાસ”ના સંચાલકમાં આ કિશોરી માટે મનમાં ખોટા વિચારો હતા.
કલાસના સંચાલક નૈનેશ ભુરજી ડામોરે કોઈપણ ભોગે તેનો બદ ઈરાદો પાર પાડવા માટે વિદ્યાર્થીની વોશરૂમ ગઈ તે વખતે કિશોરી પર આ શિક્ષકની નજર હતી તેનો વિડીયો ઉતારી લીધો હતો. બાદમાં આ વિડીયો પીડિત કિશોરીને બતાવી વિડીયો વાયરલ કરવાની ધમકી આપી હતી. જેથી ઘબરાઈ ગયેલી કિશોરી એ આ વિડિઓ વાયરલ કરવાની ના પાડી હતી.
જોકે કલાસ સંચાલક શિક્ષકે તેને બ્લેકમેલ કરી ડરાવી ધમકાવીને તેના કલાસરૂમમાં વિદ્યાર્થીની સાથે અવાર નવાર દુષ્કર્મ આચર્યું હતું અને જો કોઈને કહીશ તો મારી નાખીને બદનામ કરવાની ધમકી પણ આપી હતી.
સમગ્ર ઘટના ત્યારે બહાર આવી જ્યારે લીમડી હોસ્પિટલના ગાયનેક ડોકટરે ઝાલોદ એ.એસ.પી વિજયસિંહ ગુર્જરને જાણ કરી હતી કે બે શિક્ષકો એક વિદ્યાર્થીની ને લઇને ગર્ભ પડાવવા માટે અલગ અલગ દવાખાનામાં ફરી રહ્યા છે. ત્યારે પોલીસે બંને પર વોચ ગોઠવી હતી.
બીજી બાજુ પીડિતાને ઉલટી અને ચક્કર આવતા પીડીતાએ તેની માતાને વાત કરી હતી, ત્યારે પિડીતાએ તેની માતાને સમગ્ર હકીકતની વાત કરતા તેમના પગ નીચેથી જમીન ખસી ગઈ હતી.
શિક્ષક નૈનેશ ભુરીયા અને તેનો મિત્ર યુવતીને લઇને દાહોદ,લીમડી , ફતેપુરા સહીતના અલગ અલગ હોસ્પિટલમાં ગર્ભ પડાવવા માટે લઇ ગયા હતા.પરંતુ તમામ ડોકટરોએ ના પાડી હતી અને અંતે શિક્ષકના કુકર્મનો ભાંડો ફૂટી ગયો. સમગ્ર ઘટનાને ખુલ્લી પાડવા ઝાલોદ પોલીસ અને ASP વિજયસિંહ ગુર્જરની પિડીતાને ન્યાય અપાવવા મહત્વની ભુમીકા જોવાઈ રહી છે.
આ નરાધમ શિક્ષકે ક્લાસીસમાં આવતી કેટલીય યુવતી સાથે આવી રીતે દુષ્કર્મ કર્યું હશે. પોલીસે નરાધમ શિક્ષકને પકડી અને તપાસ હાથ ધરી છે.તેમજ ASP વિજયસિંહ ગુર્જરે આ નરાધમ શિક્ષકથી ભોગ બનેલ યુવતીઓ પોલીસ સમક્ષ આવે એવી અપીલ પણ કરી હતી.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)
![gujarati.abplive.com](https://cdn.abplive.com/imagebank/editor.png)