VADODARA : પ્રેમિકાએ સંબંધ તોડી નાખતા તેનું ગાળું દબાવી હત્યા કરનાર પ્રેમીને આજીવન કેદની સજા
Prachi Maurya Murder Case : મોડેલ પ્રાચી મૌર્યએ પ્રેમ સબંધ તોડી નાખતાં પૂર્વ પ્રેમી વસીમ ઉર્ફે અરહાન મલેકે તેને મળવા બોલાવી હાથથી ગળું દબાવી હત્યા કરી હતી.
VADODARA : વડોદરામાં ત્રણ વર્ષ પૂર્વેના પ્રાચી મૌર્ય હત્યા કેસમાં કોર્ટે વસીમ ઉર્ફે અરહાન મલેકને આજીવન કેદની સજા ફટકારી છે. મોડેલ પ્રાચી મૌર્યએ પ્રેમ સબંધ તોડી નાખતાં પૂર્વ પ્રેમી વસીમ ઉર્ફે અરહાન મલેકે તેને મળવા બોલાવી હાથથી ગળું દબાવી હત્યા કરી હતી. હત્યાનો કેસ કોર્ટમાં ચાલી જતા કોર્ટે વસીમને આજીવન કેદની સજાનો હુકમ કર્યો છે.
ત્રણ વર્ષે પૂર્વે અરહાન મલેકે કરી હતી હત્યા
કોર્ટના સૂત્રો દ્વારા મળતી માહિતી મુજબ ત્રણ વર્ષ પૂર્વે વડોદરા શહેરના અટલાદરા નજીક રિલાયન્સ મોલની પાછળના મેદાનમાં એક યુવતીની હત્યા કરેલી લાશ મળી આવતા ચકચાર મચી હતી. પોલીસે સ્થળ પર આવી તપાસ કરતા મરનાર યુવતીનું નામ પ્રાચી મૌર્ય હોવાનું ખુલ્યું હતું. યુવતીનું ગળું દબાવીને હત્યા કરવામાં આવી હોવાની પ્રાથમિક માહિતી મળી હતી. જે કેસ પોલીસે ગણતરીના કલાકમાં ઉકેલી પૂર્વ પ્રેમી હત્યારાને ઝડપી પાડ્યો હતો. પોલીસે તુરંત તપાસ શરુ કરી હતી પ્રાચી સાથે કામ કરતા સહકર્મીઓની પૂછપરછ કરતા પ્રાચીના પૂર્વ પ્રેમી સાથે કંકાસ ચાલો હોવાનું જાણવા મળ્યું હતું.
પ્રાચીએ તોડી નાખ્યો હતો પ્રેમ સંબંધ
પ્રાચી સાથે ચાર વર્ષ પૂર્વે પ્રેમ સબંધ ધરાવતો વસીમ ઉર્ફે અરહાન મલેક તેને રાત્રે રિલાયન્સ મોલ પાછળના ગ્રાઉન્ડમાં મળવા બોલાવી હતી. પ્રાચીએ વસીમની સાથે સબંધો તોડી તેને મોબાઈલમાં બ્લેક લીસ્ટમાં મૂકી દીધો હતો. વસીમે પ્રાચીને અનેક વાર મનાવવાના પ્રયત્નો કર્યા હતા. પણ પ્રાચી વસીમ સાથે સબંધ રાખવા તૈયાર ન હતી. ત્યારે વસીમને શંકા થઇ કે પ્રાચીને અન્ય યુવક સાથે સબંધ છે એવું માની લઇ મારી નહિ તો કોઈની નહિ તેમ માની લઈને ગળું દબાવી હત્યા કરી દીધી હતી. મોડેલ પ્રાચી મૌર્યએ પ્રેમ સબંધ તોડી નાખતાં પૂર્વ પ્રેમી વસીમ ઉર્ફે અરહાન મલેકે તેને મળવા બોલાવી હાથથી ગળું દબાવી હત્યા કરી હતી. આ દરમ્યાન કેસ કોર્ટમાં ચાલી જતા નામદાર અદાલતે વસીમને આજીવન કેદની સજાનો હુકમ કર્યો હતો.
ટોપ સ્ટોરી
ટ્રેન્ડિંગ સમાચાર
