વલસાડઃ યુવતી પર ચાર યુવકોએ ગુજાર્યો ગેંગરેપ, યુવતીને કેવી રીતે ફસાવી જાળમાં?

વલસાડઃ કેટરિંગના વ્યવસાય સાથે સંકળાયેલી એક યુવતી પર ચાર યુવકોએ ગેંગરેપ કરતાં ચકચાર મચી ગઈ છે. યુવતીએ ચાર મિત્રો સામે વલસાડ સિટી પોલીસ સ્ટેશનમાં ફરિયાદ કરતાં સમગ્ર ઘટના સામે આવી છે. પોલીસે આરોપીઓ સામે ગુનો નોંધી વધુ તપાસ હાથ ધરી છે.

આ ચારેય મિત્રોએ યુવતીને અવાવરું જગ્યાએ લઈ જઈને સામૂહિક બળાત્કાર ગુજાર્યો હતો. યુવતી પર બળાત્કાર ગુજાર્યા પછી ચારેય ફરાર થઈ ગયા હતા. યુવતીએ વલસાડ સિટી પોલીસમાં ચારેય મિત્રો સામે કોલેજ પાછળ આવેલ ઝાડી-ઝાંખરામાં લઈ જઈને બળાત્કાર ગુજાર્યો હોવાની ફરિયાદ કરી છે. યુવતી પર વારંવાર બળાત્કાર ગુજારાયો હોવાનો ફરિયાદમાં આક્ષેપ કરાયો છે.