CTET Admit Card 2021: સીબીએસઈએ સીટેટેના પ્રી એડમિટ કાર્ડ કર્યા જાહેર, આ રીતે કરો ડાઉનલોડ

CTET Pre Admit Card 2021: સીબીએસઈએ સીટેટ 2021ના પ્રી એડમિટ કાર્ડ જાહેર કર્યા છે. જે ઉમેદવારોની પરીક્ષા 16 થી 31 ડિસેમ્બર વચ્ચે હશે તઓ જ પ્રી એડમિટ કાર્ડ ડાઉનલોડ કરી શકે છે.

CTET_admit_card

CTET 2021 Latest Update: CBSE એ કેન્દ્રીય શિક્ષક પાત્રતા પરીક્ષા (CTET 2021) માટે પ્રી-એડમિટ કાર્ડ બહાર પાડ્યું છે. ઉમેદવારો લાંબા સમયથી આની રાહ જોઈ રહ્યા હતા. જે ઉમેદવારોએ CTET 2021 માટે અરજી કરી છે તેઓ સત્તાવાર વેબસાઇટ https://ctet.nic.in પર જઈને પ્રી-એડમિટ કાર્ડ ડાઉનલોડ કરી શકે છે. CBSE અનુસાર, હાલમાં તે ઉમેદવારોના પ્રી-એડમિટ કાર્ડ જારી કરવામાં આવ્યા છે, જેમની પરીક્ષા 16 થી 31 ડિસેમ્બર 2021 દરમિયાન લેવામાં આવશે. આ સિવાય જે ઉમેદવારોની પરીક્ષા 1 જાન્યુઆરીથી 13 જાન્યુઆરી, 2022 દરમિયાન લેવામાં આવશે, તેમના એડમિટ કાર્ડ પછીથી જારી કરવામાં આવશે.

પ્રી-એડમિટ કાર્ડ શું છે?

સીબીએસઈના જણાવ્યા અનુસાર, હાલમાં પ્રથમ તબક્કાની પરીક્ષા 16 ડિસેમ્બરથી 31 ડિસેમ્બર દરમિયાન લેવામાં આવશે. આ માટે હાલમાં ઉમેદવારોના પ્રિ-એડમિટ કાર્ડ જારી કરવામાં આવ્યા છે. જેમાં ઉમેદવારોને પરીક્ષાની તારીખ અને પરીક્ષા શહેર વિશે જણાવવામાં આવ્યું છે. જ્યારે ફાઇનલ એડમિટ કાર્ડ પરીક્ષાના 2 દિવસ પહેલા આપવામાં આવશે, જેમાં પરીક્ષા કેન્દ્ર અને પરીક્ષાના સમય સહિતની વિગતવાર માહિતી આપવામાં આવશે.

પ્રી-એડમિટ કાર્ડ આ રીતે ડાઉનલોડ કરો

• પ્રી-એડમિટ કાર્ડ ડાઉનલોડ કરવા માટે  ઉમેદવારોએ પહેલા સેન્ટ્રલ ટીચર એલિજિબિલિટી ટેસ્ટ (CTET) https://ctet.nic.in ની વેબસાઇટ પર જવું પડશે.
• અહીં હોમ પેજ પર  તેમને પ્રી-એડમિટ કાર્ડ ડાઉનલોડ કરવાની લિંક મળશે,.જેના પર ક્લિક કરવાનું રહેશે.
• જે બાદ તમારી સામે એક નવી વિન્ડો ખુલશે, જેમાં તમારે એપ્લિકેશન નંબર, જન્મ તારીખ અને સિક્યોરિટી પિન દાખલ કરવી પડશે અને સબમિટ પર ક્લિક કરવું પડશે.
• તેના પર ક્લિક કરતાની સાથે જ તમારી સ્ક્રીન પર એડમિટ કાર્ડ દેખાશે. જેને તમે ડાઉનલોડ કરી શકો છો. એડમિટ કાર્ડની પ્રિન્ટ આઉટ લો અને તેને તમારી પાસે રાખો.

આવા ઉમેદવારો જ પ્રી-એડમિટ ડાઉનલોડ કરી શકશે

ખાસ વાત એ છે કે ફક્ત તે જ ઉમેદવારો પ્રી-એડમિટ કાર્ડ ડાઉનલોડ કરી શકશે જેમની પરીક્ષા પ્રથમ તબક્કામાં એટલે કે 16-31 ડિસેમ્બર દરમિયાન યોજાશે. આ સિવાય જેમની પરીક્ષા બીજા તબક્કામાં એટલે કે 1 જાન્યુઆરીથી 13 જાન્યુઆરી, 2022 દરમિયાન યોજાશે તેમનું પ્રી-એડમિટ કાર્ડ ડાઉનલોડ થશે નહીં. આવા ઉમેદવારોએ થોડી રાહ જોવી પડશે અને ટૂંક સમયમાં CBSE બીજા તબક્કાના એડમિટ કાર્ડ જારી કરશે.

આવી હશે પરીક્ષા પેટર્ન

CTET ના પેપર I માં કુલ 150 પ્રશ્નો હશે. જેમાં બાળ વિકાસ અને શિક્ષણ શાસ્ત્ર, ભાષા I, ભાષા II, ગણિત અને પર્યાવરણીય અભ્યાસમાંથી 30-30 પ્રશ્નો પૂછવામાં આવશે. આ ઉપરાંત પેપર II માં બાળ વિકાસ અને શિક્ષણ શાસ્ત્રના 30 પ્રશ્નો, ભાષા Iમાંથી 30, ભાષા IIમાંથી 30 અને ગણિત/વિજ્ઞાન/સામાજિક વિજ્ઞાનના 60 પ્રશ્નો પૂછવામાં આવશે. પરીક્ષા વિશે વિગતવાર માહિતી મેળવવા માટે સત્તાવાર વેબસાઇટની મુલાકાત લો.