અમદાવાદઃ અલ્પેશ ઠાકોરની હાર થતાં કોંગ્રેસના કાર્યકરોએ તેના ઘરની નજીક જ ફોડ્યા ફટાકડા

રાધનપુર અને બાયડ બેઠક પર અલ્પેશ-ધવલસિંહની હાર થતાં કોંગ્રેસમાં ભારે જશ્ન જોવા મળ્યો. કોંગ્રેસના કાર્યકરોએ બોલાવ્યો ધવલસિંહનો હુરિયો

અમદાવાદઃ ગુજરાત વિધાનસભાની પેટાચૂંટણીમાં કોંગ્રેસમાંથી રાજીનામું આપીને ભાજપમાં ગયેલા અને તેની ટિકીટ પર ચૂંટણી લડેલા અલ્પેશ ઠાકોર અને ધવલસિંહ ઝાલાનો પરાજય થયો છે. રાધનપુર બેઠક પર અલ્પેશની રઘુ દેસાઇ સામે કારમી હાર થતાં કોંગ્રેસમાં જબરદસ્ત ઉત્સાહ જોવા મળ્યો હતો. રાધનપુર બેઠક પર અલ્પેશની હાર થતા કોંગ્રેસના કાર્યકરો દ્વારા ઉજવણી કરવામાં આવી હતી. અમદાવાદના રાણીપ સ્થિત અલ્પેશ ઠાકોરના ઘરની નજીક ફટાકડા ફોડી જીતની ઉજવણી કરવામાં આવી હતી. યુથ કોંગ્રેસ, NSUI અને સોશિયલ મીડિયા ડિપાર્ટમેન્ટ દ્વારા ઉજવણી કરવામાં આવી હતી. નોંધનીય છે કે, ધવલસિંહ હાર થયા પછી મત ગણતરી કેન્દ્ર પરથી નીકળ્યા ત્યારે કોંગ્રેસે તેમનો હુરિયો બોલાવ્યો હતો. એવું જ અલ્પેશ ઠાકોર સાથે પણ બન્યું હતું.