![ABP Premium](https://cdn.abplive.com/imagebank/Premium-ad-Icon.png)
Arun Bali Passes Away: 'કેદારનાથ' ફેમ અરુણ બાલીનું નિધન, ઘણા સમયથી બીમાર હતા
અરુણ બાલીએ સવારે 4.30 વાગ્યે અંતિમ શ્વાસ લીધા હતા. તેણે ઘણા દિગ્ગજ કલાકારો સાથે પણ કામ કર્યું હતું.
![Arun Bali Passes Away: 'કેદારનાથ' ફેમ અરુણ બાલીનું નિધન, ઘણા સમયથી બીમાર હતા Arun Bali Passes Away: 'Kedarnath' fame Arun Bali passed away, was ill for a long time Arun Bali Passes Away: 'કેદારનાથ' ફેમ અરુણ બાલીનું નિધન, ઘણા સમયથી બીમાર હતા](https://feeds.abplive.com/onecms/images/uploaded-images/2022/10/07/2310a50b9dc8b5918994bfae32cc52b0166511181245575_original.jpg?impolicy=abp_cdn&imwidth=1200&height=675)
Arun Bali Died: મનોરંજન ઉદ્યોગ માટે વધુ એક ખરાબ સમાચાર સામે આવ્યા છે. ઘણી ફિલ્મો અને ટીવી સિરિયલોમાં પોતાના અભિનયથી બધાનું દિલ જીતનાર અભિનેતા અરુણ બાલીનું નિધન થયું છે. અરુણ બાલીએ 79 વર્ષની વયે મુંબઈમાં અંતિમ શ્વાસ લીધા. અહેવાલો અનુસાર, અરુણ બાલીએ સવારે 4.30 વાગ્યે અંતિમ શ્વાસ લીધા હતા. તેણે ઘણા દિગ્ગજ કલાકારો સાથે પણ કામ કર્યું હતું. પરિવારના જણાવ્યા મુજબ, તે ન્યુરોમસ્ક્યુલર રોગ સામે લડી રહ્યો હતો. જેના કારણે તેને બોલવું મુશ્કેલ થઈ ગયું હતું.
Veteran actor Arun Bali passes away at the age of 79 years in Mumbai
— ANI (@ANI) October 7, 2022
અરુણ બાલી ઘણા સમયથી બીમાર હતા. થોડા મહિના પહેલા તેને હોસ્પિટલમાં પણ દાખલ કરવામાં આવ્યા હતા. અરુણ બાલી માયસ્થેનિયા ગ્રેવિસ નામની દુર્લભ બીમારી સામે લડી રહ્યા હતા. આ એક સ્વયંપ્રતિરક્ષા રોગ છે. જે જ્ઞાનતંતુઓ અને સ્નાયુઓ વચ્ચે સંચાર નિષ્ફળતાને કારણે થાય છે.
અરુણ બાલીના નિધનથી ટીવી અને બોલિવૂડ ઈન્ડસ્ટ્રીમાં શોકની લહેર ફેલાઈ ગઈ છે. ઘણા સેલેબ્સ અને ફેન્સ સોશિયલ મીડિયા પર શોક વ્યક્ત કરી રહ્યા છે. ચાહકો તેમના આત્માની શાંતિ માટે પ્રાર્થના કરી રહ્યા છે.
90ના દાયકાથી કરિયરની શરૂઆત થઈ હતી
અરુણ બાલીએ 90ના દાયકામાં પોતાના કરિયરની શરૂઆત કરી હતી. તેણે રાજુ બન ગયા જેન્ટલમેન, ખલનાયક, જબ વી મેટ, ફૂલ ઔર અંગારે, કેદારનાથ જેવી ઘણી ફિલ્મોમાં કામ કર્યું છે. તેણે દરેક વખતે પોતાના અભિનયથી એક અલગ જ છાપ છોડી છે. આ સિવાય તેણે 'બાબુલ કી દુઆં લેતી જા', કુમકુમ જેવી ઘણી સીરિયલ્સમાં કામ કર્યું છે.
અરુણનો જન્મ 1942માં લાહોરમાં થયો હતો. તેણે 90ના દાયકામાં પોતાની કારકિર્દીની શરૂઆત કરી હતી. અરુણે રાજુ બન ગયા જેન્ટલમેન, ખલનાયક, ફૂલ ઔર અંગારે, આ ગલે લગ જા, પોલીસમેન ગુંડા, સબસે બડા ખિલાડી, સત્ય, હે રામ, ઓમ જય જગદીશ, લગે રહો મુન્ના ભાઈ, બરફી, એરલિફ્ટ, રેડી, બાગી 2, કેદારનાક જેવી ફિલ્મો કરી છે. તે ઘણી ટીવી સિરિયલોમાં પણ જોવા મળ્યા છે. તેમની છેલ્લી ફિલ્મ લાલ સિંહ ચઢ્ઢા હતી.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)