અમિતાભને કોરોના પછી તેની જૂની પ્રેમિકા આ એક્ટ્રેસને પણ કોરોના ટેસ્ટની અપાઈ સલાહ, બંગલો કરી દેવાયો સીલ

બોલિવૂડ અભિનેત્રીના મુંબઈ સ્થિત બંગલા ‘સી સ્પ્રિંગ્સ’ને બીએમસીએ સીલ કરી દીધો છે. બીએમસીએ આ પગલાં બંગલાના એક સુરક્ષાકર્મીને કોરોના પોઝિટિવ આવ્યા બાદ લીધા.

બોલિવૂડ અભિનેત્રી રેખાના મુંબઈ સ્થિત બંગલા ‘સી સ્પ્રિંગ્સ’ને બીએમસીએ સીલ કરી દીધો છે. બીએમસીએ આ પગલાં બંગલાના એક સુરક્ષાકર્મીને કોરોના પોઝિટિવ આવ્યા બાદ લીધા હતાં. રેખા મુંબઈના બાંદ્રાના બેંડસ્ટેંડ એરિયામાં આવેલા પોતાના સી સ્પ્રિંગ્સ બંગલામાં રહે છે. તેના આ બંગલા પર બે સુરક્ષાકર્મી હંમેશા તૈનાત રહે છે જેમાંથી એક સુરક્ષાકર્મી થોડા દિવસ પહેલાં કોરોના પોઝિટિવ આવ્યો હતો. તેની બાંદ્રાના કોરોના સેન્ટરમાં ટ્રીટમેન્ટ ચાલી રહી છે. બીએમસીના અધિકારીઓએ રેખાના બંગલાની બહાર નોટિસ લગાવી છે. આ નોટિસમાં આ બંગલાને કન્ટેનમેન્ટ ઝોન બતાવવામાં આવ્યો છે. તેમણે એક પોઝિટિવ કેસ આવ્યા બાદ આખા બંગલાને સેનિટાઈઝ કરવામાં આવ્યો હતો. એટલું જ નહીં તેના પાડોશી અને સંગીતકાર જાવેદ અખ્તરના બંગલામાં રહેવાવાળા લોકોને પણ કોવિડ ટેસ્ટ કરવામાં આવ્યા હતાં. બીએમસીના એક અધિકારીએ જણાવ્યું હતું કે, રેખા નથી ઈચ્છતી કે બીએમસી તેનો કોવિડ-19 ટેસ્ટ કરે. અધિકારીએ જણાવ્યું હતું કે, રેખાએ કહ્યું છે કે તે પોતા જ કોરોનાનો ટેસ્ટ કરાવી લેશે અને રિપોર્ટ આવે ત્યારે બીએમસીને સોંપી દેશે. બીએમસીના નિયમો પ્રમાણે રેખાના બંગલાની બહાર કન્ટેનમેન્ટ ઝોનની નોટીસ લગાવી દીધી છે અને કોરોના વાયરસનો દર્દી સામે આવ્યા બાદ બંગલા અને આસપાસના વિસ્તારને સેનિટાઈઝેશન પણ કરવામાં આવી ચૂક્યો છે. જો બોલિવૂડની વાત કરવામાં આવે તો, કોરોનાનો શિકારના કારણે 2 ફિલ્મી હસ્તીઓનું મોત નિપજ્યું છે. 1 મેના રોજ જાણીતા સંગીતકાર સાજીદ-વાજીદના વાજીદનું કોવિડ-10 અને કિડની ફેલ્યોરના કારણે મોત નિપજ્યું હતું. 70-80ના જમાનાના જાણીતા નિર્માતા અનિલ સૂરી પણ કોરોનાનો શિકાર થયા હતાં.