Money Laundering Case: જૈકલીન ફર્નાન્ડિસની અરજી પર 25 જાન્યુઆરીએ થશે સુનાવણી

બોલિવૂડ એક્ટ્રેસ જેકલીન ફર્નાન્ડીઝ મની લોન્ડરિંગ કેસમાં 16 જાન્યુઆરીએ પટિયાલા હાઉસ કોર્ટ પહોંચી હતી.

જેકલીન ફર્નાન્ડીઝ

Jacqueline Fernandez In Money Laundering Case: બોલિવૂડ એક્ટ્રેસ જેકલીન ફર્નાન્ડીઝ મની લોન્ડરિંગ કેસમાં 16 જાન્યુઆરીએ પટિયાલા હાઉસ કોર્ટ પહોંચી હતી. સુકેશ ચંદ્રશેખર અને અન્યો સાથે સંકળાયેલા 200 કરોડ રૂપિયાના મની લોન્ડરિંગ કેસમાં જેકલીન ફર્નાન્ડીઝનું નામ પણ સામેલ છે. આ પહેલા પણ તે ઘણી કોર્ટમાં હાજર થઈ ચૂકી છે.

એક્ટ્રેસ જેકલીન ફર્નાન્ડિઝે કોર્ટ પાસે વિદેશ જવાની પરવાનગી માંગી હતી, જેના માટે કોર્ટે અભિનેત્રીની અરજી પર EDને નોટિસ પાઠવી છે. હવે જેકલીનની અરજી પર પટિયાલા હાઉસ કોર્ટમાં 25 જાન્યુઆરી 2023ના રોજ સુનાવણી થશે. તમને જણાવી દઈએ કે 29 જાન્યુઆરીએ જેકલીને એક દિવસ માટે દુબઈ જવાની પરવાનગી માંગી છે. અગાઉ જેકલીને ગયા વર્ષે 23 ડિસેમ્બરથી 5 જાન્યુઆરી સુધી બહેરીન જવાની પરવાનગી માંગી હતી.

જેકલીન કોર્ટના ચક્કર લગાવી રહી છે

કોનમેન સુકેશ ચંદ્રશેખરને સંડોવતા 200 કરોડના મની લોન્ડરિંગ કેસમાં જેકલીન ફર્નાન્ડીઝનું નામ વિવાદોમાં આવ્યું છે. છેતરપિંડીના કેસમાં નામ આવ્યા બાદથી જેકલીન સતત હેડલાઇન્સમાં રહે છે અને ED ઓફિસ અને કોર્ટના ચક્કર લગાવી રહી છે.

શું છે મની લોન્ડરિંગ કેસ?

અભિનેત્રી જેકલીન ફર્નાન્ડીઝ અને નોરા ફતેહીના નામ કોનમેન સુકેશ ચંદ્રશેખર સાથે જોડાયા હતા. સુકેશ ફિલ્મ ઈન્ડસ્ટ્રીમાં મોટી અભિનેત્રીઓને મોંઘી ભેટ આપવા માટે જાણીતો છે. કેસ ખુલ્યા પછી, સુકેશ ચંદ્રશેખરની ધરપકડ કરવામાં આવી હતી અને ખંડણી અને મની લોન્ડરિંગ કેસમાં તેને જેલમાં મોકલવામાં આવ્યો હતો. સુકેશ પર પ્રભાવશાળી લોકોને છેતરવાનો આરોપ છે.

નોરા અને જેકલીન વચ્ચે તુ-તુ-મેં-મૈં

આ મામલે જેકલીન ફર્નાન્ડીઝ અને નોરા ફતેહી વચ્ચે ઝઘડો થયો હતો. નોરાએ જેકલીન સામે માનહાનિનો કેસ દાખલ કર્યો હતો. નોરાએ આરોપ લગાવ્યો હતો કે જેકલીન પોતાના ફાયદા માટે તેની કરિયર બરબાદ કરી રહી છે.   સુકેશ ચંદ્રશેખર અને અન્યો સાથે સંકળાયેલા 200 કરોડ રૂપિયાના મની લોન્ડરિંગ કેસમાં જેકલીન ફર્નાન્ડીઝનું નામ પણ સામેલ છે. બોલીવૂડની અભિનેત્રી જૈકલિન ફર્નાન્ડીઝ છેલ્લા ઘણા સમયથી 200 કરોડ રૂપિયાના મની લોન્ડરિંગ કેસમાં કોર્ટના ચક્કર લગાવી રહી છે. સુકેશ ચંદ્રશેખર સાથે જૈકલીન ફર્નાન્ડીઝની ઘણી તસવીરો પર સામે આવી છે.