Sameer Khakkar Passes Away: 'નુક્કડ' ફેમ સમીર ખક્કરનું નિધન, સિરિયલમાં શરાબીની ભૂમિકા ભજવીને થયા હતા ફેમસ
Sameer Khakkar death: ટીવી અને ફિલ્મોના પ્રખ્યાત અભિનેતા સમીર ખક્કરનું નિધન થયું છે. તેઓએ સિરિયલ નુક્કડમાં શરાબીની ભૂમિકા ભજવીને ઘણી લોકપ્રિયતા મેળવી હતી.
Sameer Khakkar Passed Away: જાણીતા ટીવી અને ફિલ્મ અભિનેતા સમીર ખક્કર હવે આપણી વચ્ચે નથી. તેમનું 71 વર્ષની વયે નિધન થયું છે. સમીર ખક્કર 80ના દાયકામાં દૂરદર્શનની લોકપ્રિય સિરિયલ નુક્કડ (1986)માં 'ખોપડી'નું ખૂબ જ પ્રખ્યાત પાત્ર ભજવવા માટે જાણીતા છે. સમીર ખક્કડના ભાઈ ગણેશ ખક્કડે એબીપી ન્યૂઝ સાથે વાત કરતા સમીરના મૃત્યુની પુષ્ટિ કરી છે.
મલ્ટિપલ ઓર્ગન ફેલ્યોર થવાને કારણે અભિનેતાનું અવસાન થયું
સમીર ખક્કરના ભાઈ ગણેશ ખક્કરે પણ અભિનેતાના મૃત્યુના કારણો વિશે માહિતી આપી હતી. તેમણે જણાવ્યું કે સમીર ખક્કરને શ્વાસ લેવામાં તકલીફ થઈ રહી હતી અને છેલ્લા કેટલાક દિવસોથી તેમની તબિયત બગડી રહી હતી. ગઈકાલે બપોરે તેમને શ્વાસ લેવામાં તકલીફ પડતાં તેમને બોરીવલીની એમએમ હોસ્પિટલમાં દાખલ કરવામાં આવ્યા હતા, જ્યાં તેઓ બેહોશ થઈ ગયા હતા અને તેમને આઈસીયુમાં દાખલ કરવામાં આવ્યા હતા. બાદમાં મલ્ટીપલ ઓર્ગન ફેલ થવાને કારણે આજે સવારે 4.30 વાગ્યે તેમનું અવસાન થયું હતું. તેમના અંતિમ સંસ્કાર બોરીવલીમાં બાભાઈ નાકા સ્મશાનભૂમિમાં કરવામાં આવશે. સમીરની છેલ્લી ફિલ્મ 'ફર્જી' હતી.
Renowned TV and film actor Sameer Khakkar has passed away at the age of 71 due to multiple organ failure. He is known for playing the very famous character of 'Khopdi', a drunkard, in Doordarshan's popular serial Nukkad (1986) in the 80s. pic.twitter.com/sd6u1i79ax
— Subhash Shirdhonkar (@4331Subhash) March 15, 2023
જણાવી દઈએ કે સમીર ઠક્કર મુંબઈના બોરીવલીની આઈસી કોલોનીમાં એકલો રહેતો હતો. સમીર ઠક્કરની પત્ની અમેરિકામાં રહે છે. સમીરના અંતિમ સંસ્કાર માટે તેમના મૃતદેહને સવારે નજીકના સ્મશાનભૂમિમાં લઈ જવામાં આવશે. તે છેલ્લે એમેઝોન પ્રાઇમની તાજેતરમાં રિલીઝ થયેલી સિરીઝ 'ફર્જી'માં જોવા મળ્યો હતો.
સમીરે ઘણી જાણીતી સિરિયલો અને ફિલ્મોમાં કામ કર્યું હતું
સમીર તેની 38 વર્ષની અભિનય કારકિર્દીમાં વિવિધ ટીવી શો અને ફિલ્મોનો ભાગ હતો. અભિનેતાએ શોબિઝમાંથી થોડો બ્રેક લીધો હતો અને યુએસએમાં સ્થાયી થયો હતો. બાદમાં તેણે પુનરાગમન કર્યું અને બે ગુજરાતી નાટકો પણ કર્યા અને સલમાન ખાનની જય હોમાં તેની ભૂમિકા માટે પ્રસિદ્ધિ મેળવી હતી. સમીરે મનોરંજન, સર્કસ જેવી સિરિયલોમાં પણ કામ કર્યું હતું. સમીરે 'પરિંદા', 'ઈના મીના ડીકા', 'દિલવાલે', 'રાજા બાબુ', 'આતંક હી આતંક', 'રિટર્ન ઓફ જ્વેલ થીફ', 'અવ્વલ નંબર', 'પ્યાર દિવાના હોતા હૈ', 'હમ' જેવી ફિલ્મો કરી હતી.
ટ્રેન્ડિંગ સમાચાર
ટોપ સ્ટોરી
