![ABP Premium](https://cdn.abplive.com/imagebank/Premium-ad-Icon.png)
Adipurush નું ટીઝર રિલીઝ, ભગવાન રામના અવતારમાં છવાયો પ્રભાસ, જાણો ફિલ્મ ક્યારે આવશે
સાઉથ સ્ટાર પ્રભાસ, સૈફ અલી ખાન અને કૃતિ સેનનની મોસ્ટ અવેટેડ ફિલ્મ 'આદિપુરુષ'નું ટીઝર રિલીઝ થઈ ગયું છે.
![Adipurush નું ટીઝર રિલીઝ, ભગવાન રામના અવતારમાં છવાયો પ્રભાસ, જાણો ફિલ્મ ક્યારે આવશે Adipurush Teaser Release Prabhas Saif Ali Khan Kriti Sanon Movie First Look Teaser Is Outstanding Adipurush નું ટીઝર રિલીઝ, ભગવાન રામના અવતારમાં છવાયો પ્રભાસ, જાણો ફિલ્મ ક્યારે આવશે](https://feeds.abplive.com/onecms/images/uploaded-images/2022/10/02/968ae6f9e50aa113a642a1b6cde6b6da1664719848524505_original.jpeg?impolicy=abp_cdn&imwidth=1200&height=675)
Adipurush Teaser Release: સાઉથ સ્ટાર પ્રભાસ, સૈફ અલી ખાન અને કૃતિ સેનનની મોસ્ટ અવેટેડ ફિલ્મ 'આદિપુરુષ'નું ટીઝર રિલીઝ થઈ ગયું છે. ફિલ્મની પહેલી ઝલકમાં પ્રભાસ ભગવાન રામના અવતારમાં છવાઈ ગયો છે. આ સાથે, બોલીવુડ સ્ટાર સૈફ અલી ખાનને રાવણના રૂપમાં જોઈને દર્શકોને જરુર ડર લાગશે. સાઉથની આ પાન ઈન્ડિયા ફિલ્મની લોકો આતુરતાથી રાહ જોઈ રહ્યા હતા જે હવે પૂરી થઈ ગઈ છે.
અયોધ્યામાં ટીઝર રિલીઝનો કાર્યક્રમ યોજાયોઃ
ભગવાન રામની નગરી અયોધ્યામાં આયોજિત એક ભવ્ય સમારોહમાં નિર્માતાઓએ ફિલ્મનું ટીઝર અને ગ્રાન્ડ પોસ્ટર રિલીઝ કર્યું છે. પ્રભાસ અને કૃતિ સેનન સાથે ફિલ્મની આખી ટીમ અયોધ્યા પહોંચી હતી, જ્યાં નિર્માતાઓએ આદિપુરુષનું ટીઝર રિલીઝ કર્યું હતું.
સૈફ અલી ખાન દશાનન રાવણના રોલમાં
આદિપુરુષના ટીઝરની વાત કરીએ તો, વીડિયો શરૂ થતાંની સાથે જ બેકગ્રાઉન્ડમાં પ્રભાસનો અવાજ અને VFX સાથેનો રામાવતાર છે. જો આ ધરતી ડૂબી જશે કે આ આકાશ તૂટી જશે તો ન્યાયના હાથે અન્યાયનો નાશ થશે. હું આવું છું, ન્યાયના બે પગથી અન્યાયના દસ માથા કચડવા માટે આવું છું. હું અધર્મનો નાશ કરવા આવું છું. ટીઝરના અંતે જય શ્રી રામ, જય શ્રી રામ સાથે રાજા રામના જયઘોષથી ગુંજી ઉઠે છે. આ ફિલ્મમાં સૈફ અલી ખાન 'દશાનન' એટલે કે રાવણ બન્યો છે. સૈફે આ અવતારમાં ઘણી મહેનત કરી છે. તેની એક ઝલક જોઈને ચાહકો વિશ્વાસ કરી શક્યા નહીં.
12 જાન્યુઆરી, 2023 ના રોજ રિલીઝ થનારી ફિલ્મ 'આદિપુરુષ' હિન્દી અને તેલુગુમાં બની રહી છે, પરંતુ તે હિન્દી, તેલુગુ ઉપરાંત તમિલ, મલયાલમ, કન્નડ જેવી અન્ય ભાષાઓમાં પણ રિલીઝ થશે.
આ પણ વાંચો.....
સલમાનની 'કિસી કા ભાઈ કિસી કી જાન'માં જોવા મળશે RRRનો આ સુપરસ્ટાર એક્ટર
Ponniyin Selvan 1એ વર્લ્ડવાઇડ બોક્સ ઓફિસ પર કરી શાનદાર કમાણી, બે દિવસમાં પાર કર્યો 150 કરોડનો આંકડો
Annu Kapoor: એક્ટર અન્નૂ કપૂર બન્યા KYC ફ્રોડનો શિકાર , 4.36 લાખ રૂપિયા ગુમાવ્યા
આજથી શરૂ થશે Bigg Boss 16, જાણો ક્યાં અને ક્યારે જોઇ શકશો સલમાન ખાનનો સુપરહિટ શો?
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)