'નિર્ભયા કેસ' પછી Akshay Kumarએ 90 હજાર મહિલાઓને મફતમાં શિખવાડ્યા 'માર્શલ આર્ટ', 2013માં શરૂ કર્યું અભિયાન
Akshay Kumar On Women Safety: બોલિવૂડ એક્ટર અક્ષય કુમારે 'કૌન બનેગા કરોડપતિ 14'માં કહ્યું હતું કે 'નિર્ભયા ઘટના' પછી તેણે ઘણી મહિલાઓને માર્શલ આર્ટ શિખવ્યા હતા.
Akshay Kumar On Women Safety In Kaun Banega Crorepati 14: બોલિવૂડ ખિલાડી અભિનેતા અને માર્શલ આર્ટ માસ્ટર અક્ષય કુમાર અમિતાભ બચ્ચનના લોકપ્રિય ટીવી શો કૌન બનેગા કરોડપતિ 14 ના સેટ પર પહોંચ્યો હતો, જ્યાં તેમણે મહિલાઓને સ્વ-રક્ષણ વિશે અને સ્વ-રક્ષણ માટે શ્રેષ્ઠ હથિયાર કયું છે તે વિશે જણાવ્યું હતું.
વર્ષ 2012ની 'નિર્ભયા ઘટના' કોણ ભૂલી શકે. આ બળાત્કારના કિસ્સાએ આખા દેશને હચમચાવી દીધો હતો. બોલિવૂડ એક્ટર અક્ષય કુમાર પણ આનાથી હચમચી ગયો હતો અને તેણે મહિલાઓની સુરક્ષા માટે મહત્વપૂર્ણ પગલા ભરવાનો નિર્ણય લીધો હતો. તાજેતરમાં અક્ષય કુમારે 'કૌન બનેગા કરોડપતિ 14' માં ખુલાસો કર્યો હતો કે તેણે 'નિર્ભયા ઘટના' પછી ઘણી મહિલાઓને સુરક્ષિત રહેવાના ગુણ શીખવ્યા છે.
નિર્ભયા ઘટના' પછી અક્ષય કુમારે ઘણી મહિલાઓને માર્શલ આર્ટ શિખવ્યા
બી-ટાઉનનો 'ખિલાડી' અક્ષય કુમાર KBC 14ના ફિનાલે વીકમાં પહોંચ્યો હતો. જેમ તમે જાણો છો તેમ અક્ષય કુમાર એક કુશળ કલાકાર હોવાની સાથે સાથે પ્રશિક્ષિત માર્શલ આર્ટિસ્ટ પણ છે. તેણે 9 વર્ષની ઉંમરે માર્શલ આર્ટ શીખવાનું શરૂ કર્યું અને તાઈકવૉન્ડો, કરાટે અને મુઆય થાઈમાં નિપુણતા ધરાવે છે. આના આધારે અક્ષય કુમારે નક્કી કર્યું હતું કે તે મહિલાઓને સ્વ-સુરક્ષિત બનાવવા માટે તેમને માર્શલ આર્ટ શીખવશે.
અક્ષય કુમારે મહિલાઓ માટે આ અભિયાન શરૂ કર્યું હતું
અક્ષય કુમારે KBC 14માં જણાવ્યું કે જ્યારે 'નિર્ભયા ઘટના' બની, તેના એક વર્ષ પછી તેણે મહિલાઓને તાલીમ આપવાનું શરૂ કર્યું. અભિનેતાએ કહ્યું, “2012 માં નિર્ભયા કેસ પછી, મેં 2013 થી મહિલાઓને સેલ્ફ-ડિફેન્સ ક્લાસ આપવાનું શરૂ કર્યું. આજે હું મારા જીવનમાં જ્યાં પણ ઉભો છું, તેનું કારણ અભિનય નથી પરંતુ માર્શલ આર્ટ, સ્વ-રક્ષણ અને શિસ્ત છે. તેથી જ મેં ભારતમાં ઘણી જગ્યાએ સ્વ-રક્ષણના વર્ગો શરૂ કર્યા.
90 હજાર મહિલાઓને તાલીમ આપવામાં આવી છે
અક્ષય કુમારે અત્યાર સુધીમાં 90 હજાર મહિલાઓને સેલ્ફ પ્રોટેક્શન કે સેલ્ફ ડિફેન્સના ગુણો શીખવ્યા છે. અભિનેતાએ કહ્યું, "આ અભિયાનને 10 વર્ષ થઈ ગયા છે અને અત્યાર સુધીમાં અમે 90 હજાર મહિલાઓને માર્શલ આર્ટની મફત તાલીમ આપી છે." અક્ષય કુમારે જણાવ્યું કે તેણે ઘણા વર્ષો સુધી થાઈલેન્ડમાં પણ માર્શલ આર્ટ શીખવી ચૂક્યા છે. અભિનય કરતા પહેલા તેઓ માર્શલ આર્ટના શિક્ષક હતા.
ટોપ સ્ટોરી
ટ્રેન્ડિંગ સમાચાર
