(Source: ECI/ABP News/ABP Majha)
Raksha Bandhan: અક્ષય કુમારની ફિલ્મ 'રક્ષાબંધન' વિશે સારા સમાચાર, આ રીતે પણ જોઈ શકાશે ફિલ્મ
વર્ષમાં બેક ટૂ બેક હિટ ફિલ્મો આપનાર અક્ષય કુમાર માટે છેલ્લી બે ફિલ્મો કંઈ ખાસ દમ નથી બતાવી શકી.
Raksha Bandhan OTT Release: વર્ષમાં બેક ટૂ બેક હિટ ફિલ્મો આપનાર અક્ષય કુમાર માટે છેલ્લી બે ફિલ્મો કંઈ ખાસ દમ નથી બતાવી શકી. આ વર્ષે રીલીઝ થયેલી અક્ષયની બે ફિલ્મો બચ્ચન પાંડે અને સમ્રાટ પૃથ્વીરાજ બોક્સ ઓફિસ પર સારું પ્રદર્શન નહોતી કરી શકી. આમ છતાં અક્ષય દર્શકોના મનોરંજન માટે પોતાની ફિલ્મોનું એલાન કરી રહ્યો છે. જલ્દી જ તેની ફિલ્મ રક્ષાબંધન પણ રીલીઝ થવાની છે. આ બધાની વચ્ચે ફિલ્મથી જોડાયેલા સારા સમાચાર સામે આવ્યા છે.
જણાવી દઈએ કે અક્ષય કુમારની ફિલ્મ રક્ષાબંધન 11 ઓગસ્ટ એટલે રક્ષાબંધનના તહેવારના દિવસે જ થિયેટરોમાં રીલીઝ થવા જઈ રહી છે. ફિલ્મથી જોડાયેલા મહત્વના સમાચાર એ છે કે, ફિલ્મ રીલીઝ થયા બાદ થોડા જ દિવસોમાં ઓવર ધ ટોપ (OTT) પ્લેટફોર્મ પર આવી જશે. રિપોર્ટ્સ અનુસાર આ ફિલ્મના ઓટીટી રાઈટ્સ Zee5એ ખરીદી લીધા છે. એટલે કે, આ ફિલ્મ થિયેટરોમાં રીલીઝ થયાના 4 અઠવાડીયા બાદ કે તેની પહેલાં જ સીધી ઝી5 પર સ્ટ્રીમ થઈ શકે છે. આશા છે કે, રક્ષાબંધન ફિલ્મ સપ્ટેમ્બર મહિના સુધી ઓટીટી પ્લેટફોર્મ પર આવી શકે છે. ફિલ્મ રક્ષાબંધનમાં અક્ષય કુમાર અને ભૂમિ પેડનેકરની જોડી હશે. આ પહેલાં ભૂમિ અને અક્ષય 'ટોયલેટ એક પ્રેમ કથા'માં સાથે જોવા મળ્યા હતા.
View this post on Instagram
ટ્રેન્ડિંગ સમાચાર
ટોપ સ્ટોરી
