Akshay Kumar: અક્ષય કુમારને રેડ કલરના લહેંગામાં ડાન્સ કરતા જોઈ ચાહકો ભડક્યા, જાણો ગુસ્સામાં શું કહ્યું ?
અક્ષય ફિલ્મ 'સેલ્ફી'ના ફ્લોપ થવાને કારણે ચર્ચામાં છે. અક્ષય કુમારની સતત ચોથી ફિલ્મ છે જે ખરાબ રીતે ફ્લોપ થઈ છે. આ સિવાય અક્ષય કુમાર પોતાની ઈન્ટરનેશનલ ટૂર 'ધ એન્ટરટેઈનર્સ'ને લઈને પણ ચર્ચામાં છે.
અક્ષય કુમાર ફિલ્મ 'સેલ્ફી'ના ફ્લોપ થવાને કારણે ચર્ચામાં છે. અક્ષય કુમારની સતત ચોથી ફિલ્મ છે જે ખરાબ રીતે ફ્લોપ થઈ છે. આ સિવાય અક્ષય કુમાર પોતાની ઈન્ટરનેશનલ ટૂર 'ધ એન્ટરટેઈનર્સ'ને લઈને પણ ચર્ચામાં છે. થોડા દિવસો પહેલા અભિનેતાને સોનમ બાજવા, દિશા પટણી, નોરા ફતેહી, અપારશક્તિ ખુરાના અને મૌની રોય સાથે એરપોર્ટ પર સ્પોટ કરવામાં આવ્યો હતો. હવે આ ટૂરના પ્રથમ શો દરમિયાનનો અક્ષય અને નોરાનો એક વીડિયો સોશિયલ મીડિયામાં વાયરલ થઈ રહ્યો છે. આ વીડિયોના કારણે અભિનેતા ફરી ટ્રોલર્સના નિશાના પર આવી ગયો છે.
અમેરિકાના એટલાન્ટામાં તેમનું પ્રથમ પરફોર્મન્સ આપ્યું
અક્ષય કુમારે તાજેતરમાં એટલાન્ટામાં પ્રથમ શો સાથે તેની 'ધ એન્ટરટેઈનર્સ' ટૂર શરૂ કરી. કલાકારોએ અમેરિકાના એટલાન્ટામાં તેમનું પ્રથમ પરફોર્મન્સ આપ્યું હતું. આ ઈવેન્ટ હાઉસફુલ રહી હતી, પરંતુ ભારતમાં તેનો વીડિયો આવતા જ અક્ષય કુમાર લોકોના નિશાના પર આવી ગયો છે. ત્યાંથી સામે આવેલા અક્ષય કુમાર અને નોરાના લાઈવ પરફોર્મન્સના વીડિયોમાં અભિનેતા 'સેલ્ફી' ગીત પર ડાન્સ કરતા જોવા મળે છે.
View this post on Instagram
અક્ષય કુમાર અને નોરા ફતેહીનો આ વીડિયો વાયરલ થયો છે
વાયરલ થઈ રહેલા વીડિયોમાં અક્ષય કુમાર અને નોરા ફતેહી સ્ટેજ પર 'ગુડ ન્યૂઝ'ના ગીત 'લાલ ઘાઘરા' અને પછી 'સેલ્ફી'ના ગીત 'મેં ખિલાડી તુ અનાડી' પર જોરદાર ડાન્સ કરી રહ્યા છે. આ વીડિયોમાં અભિનેતા લાલ લહેંગામાં ડાન્સ કરતો જોવા મળે છે. બોલિવૂડ અભિનેતા તેના બ્લેક આઉટફિટ પર લાલ લહેંગા પહેર્યો હતો. આ વાયરલ વીડિયો બાદ અક્ષય કુમારના આ લુકને લઈને ટ્રોલર્સ તેને પર અલગ-અલગ કોમેન્ટ કરી રહ્યા છે અને તેને ટ્રોલ કરી રહ્યા છે.
અક્ષય કુમારને લહેંગામાં ડાન્સ કરતા જોઈ લોકો તેને ટ્રોલ કરી રહ્યા છે. અભિનેતા તેની ફ્લોપ ફિલ્મોને કારણે ટ્રોલ થઈ રહ્યો હતો, ત્યારે હવે આ રીતે ડાન્સ કરવા માટે ફરી ટ્રોલર્સના નિશાના પર આવી ગયો છે. અક્ષય કુમાર અને નોરા ફતેહીનો આ ડાન્સ જોઈ લોકો પોતપોતાની પ્રતિક્રિયા આપી રહ્યા છે. એક સોશિયલ મીડિયા યુઝરે લખ્યું, 'બસ આ જ જોવાનું બાકી હતું.' બીજાએ લખ્યું, 'અક્ષય કુમાર તેની ઉંમરની જેમ ક્યારે કામ કરશે.'
ટ્રેન્ડિંગ સમાચાર
ટોપ સ્ટોરી
