Alia Ranbir Wedding : સતત હિટ ફિલ્મો, કરોડોની માલકિન....એમ જ બોલીવૂડની ચહેતી નથી રણબીર કપૂરની દુલ્હનિયાં આલિયા ભટ્ટ
બોલિવૂડના ટોચના કલાકારોમાંથી એક રણબીર કપૂર (Ranbir Kapoor) અને આલિયા ભટ્ટ(Alia Bhatt) ના લગ્નના સમાચાર આ દિવસોમાં ઇન્ટરનેટ પર ખૂબ ચર્ચામાં છે.
બોલિવૂડના ટોચના કલાકારોમાંથી એક રણબીર કપૂર (Ranbir Kapoor) અને આલિયા ભટ્ટ(Alia Bhatt) ના લગ્નના સમાચાર આ દિવસોમાં ઇન્ટરનેટ પર ખૂબ ચર્ચામાં છે. જો કે તેઓએ હજી સુધી આ અંગે કોઈ સત્તાવાર નિવેદન શેર કર્યું નથી, પરંતુ મીડિયા અહેવાલો અનુસાર, બોલિવૂડના ક્યૂટ કપલના લગ્નની વિધિઓ આગામી થોડા અઠવાડિયામાં શરૂ થશે. મીડિયા રિપોર્ટ્સ અનુસાર, આલિયા (Alia Wedding) અને રણબીર કપૂર (Ranbir Wedding News) 17 એપ્રિલે લગ્નના બંધનમાં બંધાશે.
બોલિવૂડ એક્ટ્રેસ આલિયા ભટ્ટ આ દિવસોમાં પોતાના લગ્નના સમાચારને કારણે ચર્ચામાં છે. આલિયા ભટ્ટ ટૂંક સમયમાં કપૂર પરિવારની વહુ બનવા જઈ રહી છે. મીડિયા રિપોર્ટ્સ અનુસાર, રણબીર કપૂર અને આલિયા ભટ્ટ ટૂંક સમયમાં લગ્નના બંધનમાં બંધાવા જઈ રહ્યા છે. આજે અમે આલિયા ભટ્ટ વિશે કેટલીક ખાસ વાતો જણાવવા જઈ રહ્યા છીએ.
અભિનેત્રી આલિયા ભટ્ટ બોલિવૂડના પ્રખ્યાત ફિલ્મ નિર્માતા મહેશ ભટ્ટ અને સોની રાઝદાનની પુત્રી છે. આલિયા ભટ્ટની અભિનયની આ કુશળતા લોહીમાં જ છે. આલિયાની મોટી બહેન પૂજા ભટ્ટ પણ બોલિવૂડની જાણીતી અભિનેત્રી રહી ચુકી છે. મોટાભાગના લોકો જાણે છે કે આલિયાએ બોલિવૂડ ફિલ્મ સ્ટુડન્ટ ઓફ ધ યરથી ડેબ્યૂ કર્યું હતું, પરંતુ આલિયાએ 6 વર્ષની ઉંમરે બાળ કલાકાર તરીકે બોલિવૂડમાં પહેલું પગલું ભર્યું હતું.
આલિયા ભટ્ટ વર્ષ 1999માં રિલીઝ થયેલી અક્ષય કુમાર અને પ્રીતિ ઝિન્ટાની ફિલ્મ સંઘર્ષમાં જોવા મળી હતી. આ પછી તેણે કરણ જોહરની ફિલ્મ સ્ટુડન્ટ ઓફ ધ યરથી લીડ એક્ટ્રેસ તરીકે પોતાની કારકિર્દીની શરૂઆત કરી. પહેલી ફિલ્મ સુપરહિટ થયા બાદ અભિનેત્રીએ ક્યારેય પાછળ વળીને જોયું નથી. તેણે એક પછી એક ઘણી હિટ ફિલ્મો આપી. આલિયા એ બોલીવુડ અભિનેત્રી છે જેની ફિલ્મ રાઝીએ 200 કરોડનો આંકડો પાર કર્યો હતો. આલિયા તેના અલગ-અલગ પાત્રો સાથે ઇન્ડસ્ટ્રીમાં તેના શાનદાર અભિનય માટે પહેલેથી જ નામના મેળવી ચૂકી છે.
આજે આલિયા ભટ્ટનું નામ ઈન્ડસ્ટ્રીની સૌથી વધુ કમાણી કરતી અભિનેત્રીની યાદીમાં સામેલ થઈ ગયું છે. અહેવાલો અનુસાર, આલિયા ભટ્ટ એક ફિલ્મ માટે 5 થી 8 કરોડ રૂપિયા લે છે, પરંતુ આલિયા ભટ્ટે સંજય લીલા ભણસાલીની ફિલ્મ ગંગુબાઈ કાઠિયાવાડી માટે લગભગ 20 કરોડ રૂપિયા લીધા હતા.
આલિયા પાસે કારનું શાનદાર કલેક્શન છે. તેની પાસે રેન્જ રોવર ઇવોક, ઓડી એ6, ઓડી ક્યૂ5, બીએમડબલ્યુ 7 જેવી લક્ઝરી કાર છે. માહિતી અનુસાર, નવેમ્બર 2021 સુધીમાં આલિયાની કુલ સંપત્તિ 21.7 મિલિયન ડોલર એટલે કે 158 કરોડ રૂપિયા હતી.
ટ્રેન્ડિંગ સમાચાર
ટોપ સ્ટોરી
