Birthday Party: એવું તે શું બન્યું કે કરીનાની પાર્ટીમાંથી મોં છુપાવીને ભાગ્યા ફરહાન-અમૃતા??? જુઓ Video
વીડિયોમાં જોઈ શકાય છે કે, બંને સ્ટાર્સે જેકેટથી પોતાનો ચહેરો છુપાવ્યો છે અને પોતાની કાર તરફ રીતરસની દોટ મુકી હતી
Amrita Arora Birthday Party: મલાઈકા અરોરાની બહેન અને અભિનેત્રી અમૃતા અરોરાએ તેનો 45મો જન્મદિવસ ઉજવ્યો હતો. આ ખાસ અવસર પર કરીના કપૂરે તેના ઘરે અમૃતા અરોરાના જન્મદિવસની પાર્ટીનું આયોજન કર્યું હતું. જેમાં બોલિવૂડની અનેક હસ્તીઓએ હાજરી આપી હતી. જન્મદિવસની ઉજવણીમાં સામેલ થયેલા સ્ટાર્સની તસવીરો અને વીડિયો વાયરલ થયા છે પરંતુ એક વીડિયો સામે આવ્યો છે જેણે સૌકોઈનું ધ્યાન ખેંચ્યું છે.
કેમ ફરહાન અને અમૃતા મોં છુપાવીને ભાગ્યા?
ડિરેક્ટર-એક્ટર ફરહાન અખ્તર અને અમૃતા અરોરા મોઢું છુપાવીને પાર્ટીમાંથી બહાર આવ્યા હતા. વીડિયોમાં જોઈ શકાય છે કે, બંને સ્ટાર્સે જેકેટથી પોતાનો ચહેરો છુપાવ્યો છે અને પોતાની કાર તરફ રીતરસની દોટ મુકી હતી. આ દરમિયાન પાપારાઝી રોકે છે અને તેમને ફોટા પડાવવા માટે બોલાવે છે પરંતુ બંને ઉતાવળમાં બિલ્ડિંગમાંથી દોડતા દોડતા ભાગી જાય છે. આ વીડિયો ઈન્ટરનેટ પર જોરદાર વાયરલ થઈ રહ્યો છે.
View this post on Instagram
આ સ્ટાર્સે બર્થડે પાર્ટીમાં આપી હતી હાજરી
આ બર્થડે પાર્ટીમાં ફરહાન અખ્તર ઉપરાંત અર્જુન કપૂર, શિબાની દાંડેકર, મલાઈકા અરોરા, રિતેશ સિધવાની, પંજાબી પોપસ્ટાર એપી ધિલ્લોન અને અન્ય ઘણા સ્ટાર્સે હાજરી આપી હતી. જાહેર છે કે કરીના કપૂર અને અમૃતા અરોરાની મિત્રતા ઘણી જૂની છે. આ પહેલા પણ બંને સ્ટાર્સ ઘણીવાર તેમની ગર્લ ગેંગ સાથે પાર્ટી કરતા જોવા મળ્યા છે. અમૃતા પણ કરીનાના રેડિયો શો વોટ વુમન વોન્ટનો ભાગ રહી ચૂકી છે.
ફરહાન અખ્તરનું વર્ક ફ્રન્ટ
વર્ક ફ્રન્ટની વાત કરીએ તો ફરહાન અખ્તર લાંબા સમય બાદ દિગ્દર્શનમાં વાપસી કરી રહ્યો છે. તે 'જી લે જરા'નો નિર્દેશક છે જેમાં આલિયા ભટ્ટ, કેટરિના કૈફ અને પ્રિયંકા ચોપરા જેવા સ્ટાર્સ જોવા મળશે. આ પહેલા ફરહાન અખ્તરે મૃણાલ ઠાકુર સાથે 'તુફાન'માં કામ કર્યું હતું. જોકે, રાકેશ ઓમપ્રકાશ મહેરા દ્વારા નિર્દેશિત આ ફિલ્મને મિશ્ર પ્રતિસાદ મળ્યો હતો. આ પહેલા ફરહાન અખ્તરે 'ડોન', 'ડોન 2' અને 'દિલ ચાહતા હૈ' જેવી હિટ ફિલ્મોનું નિર્દેશન કર્યું છે.
ટોપ સ્ટોરી
ટ્રેન્ડિંગ સમાચાર
