Cruise Drugs Party: ક્રૂઝ પર ડ્રગ્સ પાર્ટી અને NCB ના દરોડા પર સુનિલ શેટ્ટીએ આપ્યું નિવેદન, જાણો શું કહ્યું ?

મુંબઈથી ગોવા જતાં લક્ઝૂરિયઝ ક્રૂઝ પાર્ટીમાં નાર્કોટિક્સ કંટ્રોલ બ્યૂરો (NCB)એ દરોડા પાડ્યા હતા. ક્રૂઝ પર ડ્ર્ગ્સ પાર્ટી મામલે અટકાયતમાં લેવાયેલા શાહરુખ ખાનના દિકરા આર્યન ખાનની એનસીબીએ ધરપકડ કરી હતી.

મુંબઈમાં એક ક્રૂઝ શિપ પર ડ્રગ્સ પાર્ટી શનિવારે  મોડી રાત્રે નારકોટિક્સ કન્ટ્રોલ બ્યુરો(NCB)ના દરોડામાં બોલીવૂડ એક્ટર શાહખાન ખાન દીકરા આર્યન ખાન સહિત  આઠ લોકોની અટકાયત કરવામાં આવી છે.  એનસીબી તરફથી કહેવામાં આવ્યું છે તપાસના આધાર પર આગળ  પણ  દરોડા પાડવામાં આવી શકે છે. ક્રૂઝ પાર્ટીને લઈ બોલીવૂડ તરફથી પ્રથમ રિએક્શન આવ્યું છે.  ફિલ્મ અભિનેતા સુનીલ શેટ્ટીએ રવિવારે કહ્યું કે જે જગ્યાએ રેડ થાય છે ત્યાંથી ઘણા લોકોની અટકાયત કરવામાં આવે છે. તેમણે કહ્યું કે આપણે એવું અનુમાન લગાવીએ છીએ કે આ બાળકે ડ્રગ્સ લીધુ, પેલા બાળકે ડ્રગ્સ લીધું.

સુનિલ શેટ્ટીએ આગળ કહ્યું- "મને લાગે છે કે આ મામલામાં હવે તપાસ ચાલી રહી છે. બાળકોને હવે શ્વાસ લેવાની તક આપો. જ્યારે પણ અમારા ફિલ્મ ઉદ્યોગ પર કંઇક થાય છે, મીડિયા તૂટી પડે છે. દરેક વિશે તે સમજે છે કે તેઓ આવા જ હશે. બાળકોને એક તક આપો, રિપોર્ટ આપવા માટે, જેથી વાસ્તવિક રિપોર્ટ આવે. જ્યાં સુધી તે બાળક છે, તેની સંભાળ રાખવાની જવાબદારી આપણી છે. "

નાર્કોટિક્સ કંટ્રોલ બ્યુરો (NCB) એ મુંબઈમાં ક્રૂઝ પર દરોડા પાડ્યા બાદ તેમની પાસેથી માદક દ્રવ્યો જપ્ત કર્યા છે. એનસીબીના ચીફ એસએન પ્રધાને જણાવ્યું હતું કે મુંબઈમાં ક્રૂઝ પર પાર્ટી અને ત્યાંથી મળી આવેલી દવાઓ અંગે પૂછપરછ માટે આઠ લોકોની અટકાયત કરવામાં આવી છે. માહિતીના આધારે વધુ દરોડા પાડવામાં આવશે. તેમણે કહ્યું કે કસ્ટોડિયલ પૂછપરછ માટે જે આઠ લોકોની પૂછપરછ કરવામાં આવી રહી છે તે છે - આર્યન ખાન, અરબાઝ મર્ચન્ટ, મુનમુન ધામેચા, નૂપુર સારિકા, ઇસ્મિત સિંહ, મોહક જસવાલ, વિક્રાંત છોકર, ગોમિત ચોપરા.

NCB ચીફે કહ્યું- વધુ દરોડા પાડવામાં આવશે

એસ.એન પ્રધાને કહ્યું કે અમે માહિતી એકત્ર કરી રહ્યા છીએ અને જ્યાંથી પાર્ટી માટે ચરસ અને એમડીએમ જેવી દવાઓ લાવવામાં આવી હતી તેમાંથી કાર્યવાહી કરી રહ્યા છીએ. NCB ચીફે કહ્યું કે અમે નિષ્પક્ષ રીતે કામ કરી રહ્યા છીએ, આ પ્રક્રિયામાં કેટલાક બોલિવૂડ  કનેક્શન અથવા કેટલાક પૈસાદાર લોકો હોઈ શકે છે. અમારે કાયદાના દાયરામાં રહીને આપણું કામ કરવાનું છે.

તેણે વધુમાં કહ્યું કે મુંબઈમાં પોતાનું કામ ચાલુ રાખવું પડશે. જો તમે આંકડાઓ પર નજર નાખો તો માત્ર છેલ્લા એક વર્ષમાં 300 થી વધુ દરોડા પાડવામાં આવ્યા છે. આ આગળ પણ ચાલુ રહેશે, પછી ભલે તેમાં વિદેશી નાગરિકો, ફિલ્મ ઉદ્યોગના લોકો હોય કે ધનિક લોકો.