Dharmendra Health Update: ધર્મેન્દ્રના સ્વાસ્થ્યને લઈ હેમા માલિનીએ શું કહ્યું ? જાણો વિગત

Dharmendra Health Update: રવિવારે ટ્વિટર પર એક વીડિયો શેર કરતા ધર્મેન્દ્રએ તેના ચાહકો અને શુભેચ્છકોને કહ્યું હતું કે પીઠના દુખાવાના કારણે તેમને થોડા દિવસો માટે હોસ્પિટલમાં દાખલ થવું પડ્યું.

તસવીર સૌજન્યઃ ટ્વીટર

Dharmendra Health Update: અભિનેત્રી અને સાંસદ હેમા માલિનીએ સોમવારે ચાહકોને જણાવ્યું કે તેમના પતિ અને અભિનેતા ધર્મેન્દ્ર હવે સ્વસ્થ છે અને હોસ્પિટલમાંથી ઘરે પરત ફર્યા છે. રવિવારે ટ્વિટર પર એક વીડિયો શેર કરતા ધર્મેન્દ્રએ તેના ચાહકો અને શુભેચ્છકોને કહ્યું હતું કે પીઠના દુખાવાના કારણે તેમને થોડા દિવસો માટે હોસ્પિટલમાં દાખલ થવું પડ્યું હતું.

હેમા માલિનીએ શું કર્યું ટ્વિટ

હેમા માલિનીએ સોમવારે ધર્મેન્દ્રના સ્વાસ્થ્ય અંગે ચિંતા વ્યક્ત કરવા બદલ શુભેચ્છકોનો આભાર માન્યો હતો. તેણે લખ્યું, “હું હજારો શુભેચ્છકોનો આભાર માનું છું જેઓ ધરમજીના સ્વાસ્થ્ય વિશે ચિંતિત છે. હા, તે થોડા દિવસોથી હોસ્પિટલમાં હતા, પરંતુ હવે તે સ્વસ્થ છે અને ઘરે પાછા ફર્યા છે. તેમની તબિયત વિશે પૂછવા બદલ તમામનો આભાર.

I would like to thank thousands of well wishers who have been enquiring about Dharam ji’s health. Yes, he was in hospital for a few days but he is ok now and thankfully back home. Thank you all once again for your anxious calls and enquiries about his health🙏God has been kind🙏

— Hema Malini (@dreamgirlhema) May 2, 2022

એનિવર્સરી પર હેમા માલિનીએ શું કર્યું ટ્વિટ

આ પહેલા અન્ય એક ટ્વિટમાં હેમા માલિનીએ તેમના લગ્નની વર્ષગાંઠના અવસર પર ધર્મેન્દ્ર સાથે એક તસવીર શેર કરી હતી. મથુરાના સાંસદે લખ્યું, “આજે અમારા લગ્નની વર્ષગાંઠ છે. વર્ષોથી અમને જે પ્રેમ મળ્યો છે, અમારા વહાલા બાળકો અને સગાંવહાલાં અને દરેક જગ્યાએ શુભેચ્છકોનો હું આભાર માનું છું. હું ખરેખર ભાગ્યશાળી માનું છું." હેમા માલિની અને ધર્મેન્દ્રએ 1980માં લગ્ન કર્યા હતા. તેમને બે દીકરીઓ ઈશા અને આહાના છે.

Our wedding anniversary today❤️❤️ I thank God for all these years of happiness, our darling children and grandchildren, our well wishers everywhere! I feel truly blessed🙏🙏 pic.twitter.com/uAsb7Mc5AL

— Hema Malini (@dreamgirlhema) May 2, 2022