લગ્નની વાતો વચ્ચે આ હૉટ કપલના બ્રેકઅપની અફવાએ જોર પકડ્યુ, જાણો કેમ

મીડિયા રિપોર્ટનુ માનીએ તો, કિયાર અને સિદ્વાર્થ વચ્ચે બધુ બરાબર નથી. બંને અલગ થઈ ગયા છે. આ કપલે એકબીજાને જોવાનું પણ બંધ કરી દીધું છે,

(પ્રતિકાત્મક તસવીર)

મુંબઇઃ બૉલીવુડ અને ફિલ્મી હસ્તીઓમાં લગ્ન, રિલેશનશીપ અને અફેર એક સામાન્ય વાત બની ગઇ હોય એમ અવાર નવાર આવા સમાચારો આવતા રહે છે. પરંતુ ઘણીવાર આવા સમાચારો માત્ર મનોરંજન માટેના પણ હોય છે. હવે તાજેતરમાં જ સોશ્યલ મીડિયા પર એક વાતો જોર પકડ્યુ છે કે બૉલીવુડનુ વધુ એક સ્ટાર કપલનુ બ્રેકઅપ થઇ ગયુ છે. આ કપલ છે સિદ્ધાર્થ મલ્હોત્રા અને કિયાર અડવાણી. 

આમ તો છેલ્લા કેટલાક સમયથી એવા રિપોર્ટ હતા કે સિદ્ધાર્થ મલ્હોત્રા અને કિયારા અડવાણી બન્ને એકબીજાને ડેટ કરી રહ્યાં છે, અને બહુ જલ્દી લગ્ન પણ કરવાના છે. પરંતુ આ બધાની વચ્ચે હવે વાત છે કે બન્નેના રિલેશનશીપમાં તિરાડ પડી ગઇ છે, અને બન્નેએ બ્રેકઅપ કરી લીધુ છે. જોકે, ખાસ વાત છે કે, આ બન્ને સેલેબ્સે ક્યારેય રિલેશનશીપનો ખુલોસો પણ કર્યો નથી.  

મીડિયા રિપોર્ટનુ માનીએ તો, કિયાર અને સિદ્વાર્થ વચ્ચે બધુ બરાબર નથી. બંને અલગ થઈ ગયા છે. આ કપલે એકબીજાને જોવાનું પણ બંધ કરી દીધું છે, અને બંને વચ્ચેનો પ્રેમ હવે પહેલા જેવો રહ્યો નથી. હવે તેની પાછળનું કારણ શું છે તે અંગે કંઈ જ સામે આવ્યું નથી. 

વર્ક ફ્રન્ટની વાત કરીએ તો સિદ્ધાર્થ અને કિયારા ફિલ્મ શેરશાહમાં સાથે જોવા મળ્યા હતા. બંનેની આ ફિલ્મને ચાહકો તરફથી ઘણો પ્રેમ મળ્યો છે. આમાં સિદ્ધાર્થે કેપ્ટન વિક્રમ બત્રાનો રોલ કર્યો હતો. હાલમાં સિદ્ધાર્થ પાસે ત્રણ ફિલ્મો છે. તે યોદ્ધા, મિશન મજનૂ અને થેંક ગોડમાં જોવા મળશે. બીજી તરફ કિયારાની વાત કરીએ તો તેની પાસે અત્યારે 4 પ્રોજેક્ટ છે. તેમાં મેઝ 2, ગોવિંદા નામ મેરા, આરસી 15 અને જુગ જુગ જિઓ જેવી ફિલ્મોનો સમાવેશ થાય છે.

 

આ પણ વાંચો...........