Salman Khanની બર્થ ડે પાર્ટીમાં કેમ ના આવી કેટરીના કૈફ? સોશિયલ મીડિયા પર જણાવ્યું કારણ
કેટરિના કૈફ પણ દર વર્ષે સલમાન ખાનના જન્મદિવસ પર જોવા મળે છે. પરંતુ આ વખતે તે ગાયબ રહી. આવી સ્થિતિમાં તેણે સોશિયલ મીડિયા પર એક પોસ્ટ લખીને સલમાનને શુભેચ્છા પાઠવી હતી.
Salman Khan B’Day: બોલિવૂડ સ્ટાર સલમાન ખાને સોમવારે રાત્રે પોતાના જન્મદિવસ પર એક ભવ્ય પાર્ટીનું આયોજન કર્યું હતું. સલમાન 27 ડિસેમ્બરે 57 વર્ષનો થઈ ગયો છે. સલમાનના જન્મદિવસ પર બોલિવૂડના મોટા સ્ટાર્સ પહોંચ્યા હતા અને તેને જન્મદિવસની શુભેચ્છા પાઠવી હતી. પાર્ટીમાં શાહરૂખ ખાન, કાર્તિક આર્યન, સોનાક્ષી સિંહા, સંગીતા બિજલાણી, યુલિયા વંતુર અને અન્ય મોટા સેલેબ્સ જોવા મળ્યા હતા. જો કે કેટરિના કૈફ પણ દર વર્ષે સલમાન ખાનના જન્મદિવસ પર જોવા મળે છે. પરંતુ આ વખતે કેટરીના કૈફ પાર્ટીમાં ક્યાંય જોવા મળી ના હતી. કેટરીના હાલમાં જ પતિ વિકી કૌશલ સાથે રજાઓ ગાળવા ગઈ હતી. કેટરિના ભલે પાર્ટીમાં પહોંચી ન શકી હોય પરંતુ તેને સોશિયલ મીડિયા દ્વારા સલમાન ખાનને શુભેચ્છા પાઠવી હતી. અને અઢળક શુભકામના આપી હતી.
કેટરીના કૈફે ઈન્સ્ટાગ્રામ પર ખાસ મેસેજ લખ્યો
સલમાન અને કેટરીના વચ્ચે જબરદસ્ત બોન્ડિંગ છે. કેટરીનાએ સલમાનના ફોટા સાથે જન્મદિવસનો સંદેશ લખ્યો, 'ટાઈગર, ટાઈગર, ટાઈગરનો જન્મદિવસ.' આગળ તેણે સલમાનને ટેગ કરીને વ્હાઇટ હાર્ટ બનાવ્યું. સલમાન અને કેટરીના ફિલ્મ 'ટાઈગર' ફ્રેન્ચાઈઝીનો ભાગ છે. તેની ફિલ્મ પણ આવતા વર્ષે રિલીઝ થનારી છે. આવી સ્થિતિમાં આનાથી વધુ સારું કેપ્શન બીજું શું હોઈ શકે.
શાહરૂખ મોડી રાત્રે પહોંચ્યો સલમાનની પાર્ટીમાં પહોંચ્યો હતો
ઉલ્લેખનીય છે કે, સલમાનના જન્મદિવસની પાર્ટી તેની બહેન અર્પિતા શર્મા ખાને તેના ઘરે હોસ્ટ કરી હતી. સલમાન ભારે સુરક્ષા સાથે પાર્ટીમાં પહોંચ્યો હતો. આ દરમિયાન સલમાન બ્લેક લુકમાં જોવા મળ્યો હતો. તેણે પાપારાઝીની સામે કેક પણ કાપી અને ત્યાં હાજર દરેકનો આભાર માન્યો હતો. શાહરૂખ બપોરે 3 વાગ્યાની આસપાસ સલમાનની પાર્ટીમાં પહોંચ્યો હતો. બાદમાં બંને પાપારાઝીની સામે આવ્યા હતા અને ફોટા ક્લિક કરાવ્યા હતા.
કેટરીના પતિ સાથે એરપોર્ટ પર જોવા મળી હતી
કેટરીના અને વિકી આગલા દિવસે વેકેશન માટે નીકળી ગયા હતા. બંને મુંબઈ એરપોર્ટ પર જોવા મળ્યા હતા. એરપોર્ટ પર એન્ટ્રી વખતે સિક્યોરિટીએ તેને રોકી હતી અને બાદમાં કેટરીના અંદર જતી રહી હતી. તેનો આ વીડિયો વાયરલ થયો હતો.
ટોપ સ્ટોરી
ટ્રેન્ડિંગ સમાચાર
