Vijay Deverakonda સાથે સંબંધ અંગે Rashmikaએ ખુલીને વાત કરી, કહ્યું - 'હું તેની ખુબ નજીક છું...’
હાલના દિવસોમાં રશ્મિકા માલદીવમાં રજાઓ માણી રહી છે. ત્યારે એવી વાતો પણ થઈ રહી છે કે, વિજય દેવરકોંડા પણ તેની સાથે વેકેશન પર ગયો છે.
Rashmika Mandanna On Vijay Deverakonda: સાઉથની ફિલ્મોની ફેમસ હિરોઈન અને નેશનલ ક્રશ તરીકે જાણિતી રશ્મિકા મંદાના હાલ પોતાની બોલીવુડ ડેબ્યુ ફિલ્મ 'ગુડબાય' (Goodbye)ને લઈ ચર્ચાઓમાં છે. આ સાથે રશ્મિકા સાઉથ એક્ટર વિજય દેવરકોંડા વિશે પણ હેડલાઈનમાં ચમકી રહી છે. અવારનવાર એવી અટકળો લગાવામાં આવે છે કે, આ બંને એક બીજાને ડેટ કરી રહ્યાં છે. હાલના દિવસોમાં રશ્મિકા માલદીવમાં રજાઓ માણી રહી છે. ત્યારે એવી વાતો પણ થઈ રહી છે કે, વિજય દેવરકોંડા પણ તેની સાથે વેકેશન પર ગયો છે. 7 ઓક્ટોમ્બરના રોજ એક જ સમયે બંને એરપોર્ટ પર જોવા મળ્યાં હતાં. આ બધાની વચ્ચે હવે રશ્મિકાએ વિજય સાથેના સંબંધ પર ખુલીને વાત કરી છે.
રશ્મિકા મંદાનાએ શું કહ્યું?
ન્યુઝ18 સાથેની વાતચીતમાં રશ્મિકાએ વિજય દેવરકોંડા સાથે રિલેશનશિપમાં હોવાના સમાચાર પર વાત કરી હતી. રશ્મિકાએ કહ્યું કે, "અમે સમજીએ છીએ કે, અમે એક્ટર્સ છીએ અને અમારા પણ બધાની નજર છે અને લોકો અમારા વિશે વધુ જાણવા ઈચ્છે છે. સોશિયલ મીડિયા પર શું ચાલી રહ્યું છે? તે હું જોઉં છું અને કેટલાક વીડિયો જોવા મને પસંદ આવે છે. પરંતુ આ બધા વિશે વિજય અને હું બેસીને ક્યારેય વાત કરતા નથી. અમારી 15 લોકોની ગેંગ છે અને જો તક મળે તો અમે તેમની સાથે બોર્ડ ગેમ રમીશું. અમે એક્ટર છીએ પરંતુ અમારા માટે અમારા મિત્રો બરાબર મહત્વ ધરાવે છે."
હું વિજયની ખુબ નજીક છું...
આ વાતચીતમાં રશ્મિકાએ આગળ જણાવ્યું કે, "હું હંમેશા એ જાણું છું કે, હું વિજયની ખુબ જ નજીક છું અને મારો જો કંઈ પણ પુછવાનું થાય તો હું તેની પાસે જઈને પુછી લઉં છું. હકિકતમાં અમે એકબીજાના ખુબ જ સારા દોસ્ત છીએ. અમે એકબીજા સાથે ઘણી વસ્તુઓ શેર કરીએ છીએ અને તેના પર ચર્ચા પણ કરીએ છીએ." આગળ ઘર વસાવવાના અને સંબંધોની વાત પર રશ્મિકાએ કહ્યું કે, "મને લાગે છે કે, રિલેશનશિપ એક એવી વસ્તુ છે જેના પર તમારો ઘણો સમય અને મહેનત લાગે છે. હાલ તો હું મારા કામમાં ઘણી વ્યસ્ત છું અને ભાગ્યે જ મને સમય મળે છે અને જો આવું કંઈ થવાનું હશે તો સ્વાભાવિક રીતે થશે."
ટ્રેન્ડિંગ સમાચાર
ટોપ સ્ટોરી
