Malaika Arora: સલમાન ખાને મલાઈકાને મોકલી ક્રિસમસ ગિફ્ટ, એક્ટ્રેસે સોશિયલ મીડિયા પર બતાવી ઝલક

આ દિવસોમાં દરેક જગ્યાએ ક્રિસમસનો ઉત્સાહ જોવા મળી રહ્યો છે. બોલિવૂડ ઈન્ડસ્ટ્રીના સ્ટાર્સ પણ એકબીજાને ગિફ્ટ મોકલીને ક્રિસમસની શુભેચ્છા પાઠવી રહ્યા છે.

તસવીર સોશિયલ મીડિયા

આ દિવસોમાં દરેક જગ્યાએ ક્રિસમસનો ઉત્સાહ જોવા મળી રહ્યો છે. બોલિવૂડ ઈન્ડસ્ટ્રીના સ્ટાર્સ પણ એકબીજાને ગિફ્ટ મોકલીને ક્રિસમસની શુભેચ્છા પાઠવી રહ્યા છે. હાલમાં જ અભિનેત્રી મલાઈકા અરોરાએ સોશિયલ મીડિયા પર એક પોસ્ટ શેર કરી છે, જેમાં તેણે કહ્યું છે કે સલમાન ખાને તેને ક્રિસમસ પર ગિફ્ટ આપી છે. અભિનેત્રીની આ પોસ્ટ પર સોશિયલ મીડિયા યુઝર્સ પ્રતિક્રિયા આપી રહ્યા છે.

મલાઈકાએ પોતાની ઓફિશિયલ ઈન્સ્ટાગ્રામ સ્ટોરી પર એક વીડિયો શેર કર્યો છે. વીડિયોમાં, મલાઈકાએ સલમાન દ્વારા આપવામાં આવેલા ગિફ્ટ બોક્સની ઝલક આપી હતી, જેમાં ચોકલેટ, એક સાંતા હેટ અને બીજી ઘણી વસ્તુઓ હતી. સલમાન અને તેની ટીમે ગિફ્ટની સાથે એક લવલી નોટ પણ મોકલી છે.

મેરી ક્રિસમસ

સલમાનની નોટમાં લખ્યું હતું કે, 'તમને પ્રેમ અને ઉત્સાહથી ભરેલા મેરી ક્રિસમસ અને નવા વર્ષની શુભેચ્છા. તમારી અતૂટ મિત્રતા અને સમર્થન માટે અમારા તરફથી એક નાનકડી ભેટ. આશા છે કે તે તમારા ચહેરા પર સ્મિત લાવશે, જેમ તમારી હાજરી અમારા ચહેરાને પ્રકાશિત કરે છે. પોસ્ટ શેર કરતી વખતે મલાઈકાએ ક્રિસમસ પર આપેલી ભેટ માટે સલમાનનો આભાર માન્યો હતો.

 

 

 

 

 

View this post on Instagram

 

 

 

 

 

 

 

 

 

 

 

A post shared by Malaika Arora (@malaikaaroraofficial)

મલાઈકા અર્જુનને ડેટ કરી રહી છે

તમને જણાવી દઈએ કે મલાઈકા અરોરાએ વર્ષ 1998 માં અરબાઝ ખાન સાથે લગ્ન કર્યા હતા, પરંતુ બંને સ્ટાર્સે માર્ચ 2016 માં તેમના અલગ થવાની જાહેરાત કરી હતી અને મે 2017 માં સત્તાવાર રીતે છૂટાછેડા લીધા હતા. તેમને અરહાન નામનો પુત્ર છે. આ દિવસોમાં મલાઈકા અર્જુન કપૂરને ડેટ કરી રહી છે. મલાઈકા અને અર્જુન દરરોજ સોશિયલ મીડિયા પર એકબીજા પર પ્રેમ વરસાવતા જોવા મળે છે. મીડિયા રિપોર્ટ્સ અનુસાર, બંને સ્ટાર્સ જલ્દી લગ્ન કરવા માટે તૈયાર છે.  

બોલીવૂડ એક્ટ્રેસ મલાઈકા અરોરા તેની ફિટનેસને લઈ બોલીવૂડમાં જાણીતી છે. મલાઈકા ફિટ રહેવા દરરોજ જિમ અને યોગ કરે છે. ચાહકો પણ તેના જિમ લૂકને ખૂબ જ પસંદ કરે છે.