સલમાન ખાનની 'ટાઈગર 3'થી લઈને અલ્લૂ અર્જુનની 'પુષ્પા 2' સુધી, આ ફિલ્મો આવતા વર્ષે આ સમયે રિલીઝ થશે
વર્ષ 2022માં અત્યાર સુધી ઘણી ફિલ્મો રિલીઝ થઈ છે જે બોક્સ ઓફિસ પર ઘણા રેકોર્ડ બનાવી ચુકી છે.
Bollywood Movies Release: દર્શકો ઘણી ફિલ્મોના બીજા ભાગ એટલે કે સિક્વલની આતુરતા પૂર્વક રાહ જોઈ રહ્યા છે. વર્ષ 2022માં અત્યાર સુધી ઘણી ફિલ્મો રિલીઝ થઈ છે જે બોક્સ ઓફિસ પર ઘણા રેકોર્ડ બનાવી ચુકી છે. હવે દર્શકોને સલમાન ખાનની ટાઈગર 3, વરુણ ધવનની બવાલ અને અલ્લુ અર્જુનની પુષ્પા 2ની રાહ જોઈ રહ્યા છે. મળતા રિપોર્ટ્સ અનુસાર આ ફિલ્મો જોવા માટે દર્શકોએ આવતા વર્ષ સુધી ઈંતજાર કરવો પડશે. રિપોર્ટ્સનું માનીયે તો આ ત્રણેય ફિલ્મો આવતા વર્ષે ધમાલ મચાવતી દેખાશે અને ત્રણેય ફિલ્મો બ્લોકબસ્ટર સાબિત થવાની છે.
વરુણ ધવન અને જાનવી કપૂર ફિલ્મ બવાલમાં સાથે જોવા મળવાના છે. આ ફિલ્મની જાહેરાત થોડા સમય પહેલાં કરવામાં આવી હતી અને હવે વરુણે ફિલ્મનું શૂટિંગ પણ શરૂ કરી દીધું છે. નિતેશ તિવારીના નિર્દેશનમાં બની રહેલી બવાલ, આવતા વર્ષે 7 એપ્રિલે રિલીઝ થશે. વરુણની ફિલ્મને ફાયદો થવાનો છે કારણ કે તે લાંબા વિકેન્ડ પર રિલીઝ થવાની છે.
આ ફિલ્મો મે મહિનામાં રિલીઝ થશેઃ
વરુણ ધવન સાથે પ્રભાસની ફિલ્મ સાલર પણ એપ્રિલમાં રિલીઝ થવા જઈ રહી છે. મે મહિનામાં બોક્સ ઓફિસ પર ધમાકો થશે. રિપોર્ટ્સનું માનીએ તો સલમાન ખાનની ટાઈગર 3 મે 2023માં રિલીઝ થશે. તે જ સમયે અલ્લુ અર્જુનની પુષ્પા 2 પણ સલમાનને ટક્કર આપતી જોવા મળશે. ટાઈગર 3 ઈદના અવસર પર રિલીઝ થશે. આ ફિલ્મમાં સલમાન સાથે કેટરીના કૈફ જોવા મળશે. ટાઈગર 3માં શાહરૂખ ખાન પણ એક કેમિયો કરતો જોવા મળશે. આ ફિલ્મમાં ઈમરાન હાશ્મી નેગેટિવ રોલમાં જોવા મળશે.
અલ્લુ અર્જુન પણ આવતા વર્ષે પુષ્પાની સિક્વલ સાથે બોક્સ ઓફિસ પર ધમાલ મચાવતો જોવા મળશે. રિપોર્ટ્સ અનુસાર, આ ફિલ્મ મે 2023ના અંતમાં રિલીઝ થશે. આ ફિલ્મમાં અલ્લુ અર્જુન સાથે રશ્મિકા મંદાના લીડ રોલમાં જોવા મળશે. પુષ્પા 1 પછી, બધા તેના બીજા ભાગ પુષ્પા 2ની રાહ જોઈ રહ્યા છે.
ટોપ સ્ટોરી
ટ્રેન્ડિંગ સમાચાર
