અરૂણાચલ પ્રદેશના ફાયર પીડિતોની Varun Dhawan અને નતાશા દલાલે કરી સહાય, જાણો કેટલા રૂપિયા આપ્યા
વરૂણ અને નતાશાએ અરુણાચલ પ્રદેશના તિરૂપ જિલ્લાના આગ પીડિતોને ઉદારતાથી 1 લાખ રૂપિયાનું દાન આપ્યું હતું. તે જ સમયે, વરૂણ અને નતાશાની સોશિયલ મીડિયા પર ટ્રેડિશનલ આઉટફિટ્સમાં પોઝ આપતી તસવીરો પણ વાયરલ થઈ રહી છે.
મુંબઈ : બોલિવૂડ એક્ટર વરૂણ ધવન આ દિવસોમાં પોતાની ટીમ સાથે અરુણાચલ પ્રદેશમાં ફિલ્મ 'ભેડિયા' ના શૂટિંગમાં વ્યસ્ત છે. તે જ સમયે, તેની પત્ની નતાશા દલાલ પણ તેની સાથે ત્યાં સમય પસાર કરી રહી છે. આ બધાની વચ્ચે વરૂણ અને નતાશાએ અરુણાચલ પ્રદેશના તિરૂપ જિલ્લાના આગ પીડિતોને ઉદારતાથી 1 લાખ રૂપિયાનું દાન આપ્યું હતું. તે જ સમયે, વરૂણ અને નતાશાની સોશિયલ મીડિયા પર ટ્રેડિશનલ આઉટફિટ્સમાં પોઝ આપતી તસવીરો પણ વાયરલ થઈ રહી છે. આ તસવીરો તે સમયે લેવામાં આવી હતી જ્યારે કપલે તિરાપ જિલ્લામાં અગ્નિ દુર્ઘટનાના પીડિતોને રાહતનો ચેક સોંપ્યો હતો.
વરુણ અને નતાશાનો ફોટો ટ્વિટર પર શેર કરાયો છે
તમને જણાવી દઈએ કે, એક ટ્વિટર હેન્ડલ, ડેપ્રો ઝીરોએ નતાશા અને વરૂણની આ તસવીરો શેર કરી છે. નોંધપાત્ર વાત એ છે કે ગયા મહિને લોંગલીંગ ગામમાં લાગેલી આગ બાદ અનેક લોકો પ્રભાવિત થયા હતા. કથિત રૂપે, ગામમાં બાંધવામાં આવેલા મકાનો આગને કારણે બળીને રાખ થઈ ગયા હતા. આ ઘટનામાં 1 બાળક સહિત 2 લોકોનાં મોત નીપજ્યાં હતાં. આ અસરગ્રસ્તો માટે વરૂણ અને નતાશાએ રાહતની રકમ આપી છે. હેન્ડલ સાથે શેર કરેલી તસવીરોમાં ક્રિતી સનન, અભિષેક બેનર્જી, અમર કૌશિક અને ટીમ ભેડીયાના ઘણા લોકો પણ બેઠા અને વાત કરતા જોવા મળે છે.
વરૂણ અને નતાશાએ ટ્રેડિશનલ આઉટફિટ્સમાં પોઝ આપ્યો
24 જાન્યુઆરી 2021 ના રોજ લગ્નના બંધનમાં બંધાનાર વરૂણ અને નતાશાની જોડી ટ્રેડિશનલ આઉટફિટમાં અદભૂત જોવા મળી રહી છે અને બંને સ્મિત સાથે પોઝ આપી રહ્યા છે. તમને જણાવી દઈએ કે, તેની ફિલ્મના શૂટિંગ દરમિયાન વરુણ ઘણા વખતથી પોતાના ઇન્સ્ટાગ્રામ હેન્ડલ પર અરુણાચલ પ્રદેશની સુંદર ખીણો અને ટેકરીઓની ઝલક શેર કરી રહ્યો છે. થોડા અઠવાડિયા પહેલા વરુણે નતાશા અને અભિષેક સાથે બોટ રાઇડ લીધી હતી. તે સહેલગાહની તસ્વીરો પણ વરુણે સોશિયલ મીડિયા પર શેર કરી હતી. તે ચાહકોને ખૂબ પસંદ આવી હતી.
ટ્રેન્ડિંગ સમાચાર
ટોપ સ્ટોરી
