Kashmir Files બાદ વિવેક અગ્નિહોત્રીની મોટી જાહેરાત, હવે બનશે Delhi Files

‘ધ કાશ્મીર ફાઇલ્સે’ કમાણીના તમામ રેકોર્ડ તોડી નાખ્યા હતા. ફિલ્મની સફળતા બાદ  વિવેક અગ્નિહોત્રીએ હવે પોતાના નવા પ્રોજેક્ટની જાહેરાત કરી છે.

13

તાજેતરમાં રિલીઝ થયેલી ફિલ્મ ‘ધ કાશ્મીર ફાઇલ્સ’ની રેકોર્ડબ્રેક કમાણી વિશે તમે જાણતા જ હશો. ફિલ્મના ડિરેક્ટર વિવેક રંજન અગ્નિહોત્રીએ સિલ્વર સ્ક્રીન પર કાશ્મીરી પંડિતોની ક્રૂરતાની દર્દનાક કહાની રજૂ કરી હતી. નાના બજેટમાં બનેલી ફિલ્મ ‘ધ કાશ્મીર ફાઇલ્સે’ કમાણીના તમામ રેકોર્ડ તોડી નાખ્યા હતા. ફિલ્મની સફળતા બાદ  વિવેક અગ્નિહોત્રીએ હવે પોતાના નવા પ્રોજેક્ટની જાહેરાત કરી છે.

I thank all the people who owned #TheKashmirFiles. For last 4 yrs we worked very hard with utmost honesty & sincerity. I may have spammed your TL but it’s important to make people aware of the GENOCIDE & injustice done to Kashmiri Hindus.

It’s time for me to work on a new film. pic.twitter.com/ruSdnzRRmP

— Vivek Ranjan Agnihotri (@vivekagnihotri) April 15, 2022

 શું છે વિવેક અગ્નિહોત્રીનો નવો પ્રોજેક્ટ?

કાશ્મીર ફાઇલ્સ પછી વિવેક રંજન અગ્નિહોત્રી દિલ્હી ફાઇલ્સ બનાવશે. વિવેક રંજન અગ્નિહોત્રીએ ટ્વિટ પર પોતાની નવી ફિલ્મનું ટાઇટલ આપ્યું છે. તેણે ટ્વીટ કરીને લખ્યું- હું તે તમામ લોકોનો આભાર માનું છું જેમણે કાશ્મીર ફાઇલ્સ બનાવી છે. છેલ્લા 4 વર્ષથી અમે પૂરી ઇમાનદારીથી મહેનત કરી છે. બની શકે છે મે તમારા TLને સ્પૈમ કર્યુ હશે પરંતુ કાશ્મીરી હિંદુઓ સાથે થયેલા નરસંહાર અને અન્યાય વિશે લોકોને જણાવવું ખૂબ જ જરૂરી છે. હવે મારી નવી ફિલ્મ પર કામ કરવાનો સમય આવી ગયો છે.

વિવેક અગ્નિહોત્રી 'દિલ્હી ફાઇલ્સ'માં શું બતાવશે?

આગામી ટ્વીટમાં વિવેક અગ્નિહોત્રીએ નવી ફિલ્મની જાહેરાત કરતી વખતે લખ્યું- #TheDelhiFiles. વિવેક અગ્નિહોત્રીના આ નવા પ્રોજેક્ટ વિશે જાણ્યા બાદ લોકોની ઉત્સુકતા વધી ગઈ છે. સોશિયલ મીડિયા પર લોકોની પ્રતિક્રિયા જોયા પછી એવું લાગે છે કે તેઓ એ જાણવા માટે ઉત્સુક છે કે વિવેક અગ્નિહોત્રી દિલ્હી ફાઇલ્સમાં શું બતાવવા જઈ રહ્યા છે. ઘણા યુઝર્સ ધારણા કરી રહ્યા છે કે દિલ્હી ફાઇલ્સમાં મુખ્યમંત્રી અરવિંદ કેજરીવાલ બતાવવામાં આવશે. તો કેટલાક લોકોએ વિવેક અગ્નિહોત્રીને નવા પ્રોજેક્ટ માટે શુભેચ્છા પાઠવી છે. તાશ્કંદ ફાઇલ્સ, કાશ્મીર ફાઇલ્સ પછી હવે લોકો દિલ્હી ફાઇલ્સની આતુરતાથી રાહ જોઈ રહ્યા છે.