બોલિવૂડની આ એક્ટ્રેસનો ડ્રેસ જોઈ ભડક્યા ફેન્સ, કહ્યું- રણવીરના કપડાં કેમ પહેરે છે?

તસવીરોમાં દીપિકા વ્હાઈટ શર્ટ અને પેન્ટમાં દેખાઈ રહી છે. ડીપ કૉલરવાળા શર્ટ સાથે દીપિકાએ હેવી ઝૂમકા પણ પહેરેલા છે.

મુંબઈઃ દીપિકા પાદુકોણ પોતાની એક્ટિંગ ઉપરાંત ફેશન સેન્સથી પણ લોકોનું ધ્યાન ખેંચે છે. દીપિકા મોટેભાગે પોતાના ફેન્સ માટે હંમાશા અલગ સ્ટાઈલ અને આઉટફિટમાં તસવીર શેર કરતી રહી છે. એવામાં ફરી એક વખત દીપિકાએ અલગ અંદાજમાં તસવીર શેર કરી, પરંતુ આ વખતે ફેન્સને તેનો ડ્રેસ પસંદ ન પડ્યો અને તેને ટ્રોલ કરવામાં આવી રહી છે. તસવીરોમાં દીપિકા વ્હાઈટ શર્ટ અને પેન્ટમાં દેખાઈ રહી છે. ડીપ કૉલરવાળા શર્ટ સાથે દીપિકાએ હેવી ઝૂમકા પણ પહેરેલા છે. આ ઉપરાંત તેણે રેડ લિપસ્ટિકની સાથે ક્રીમ કલરની હેન્ડબેગ અને ફૂટવેર કેરી કર્યાં છે. કેટલાક લોકો દીપિકાના આ નવા લુકના વખાણ કરી રહ્યાં છે તો કેટલાક તેને ટ્રોલ પણ કરી રહ્યાં છે. દીપિકાને ટ્રોલ કરતાં એક યૂઝરે લખ્યું– તું રણવીરના કપડાં કેમ પહેરે છે અને તે તારા? બીજા એક યૂઝરે લખ્યું – આટલી મોટી સ્ટાર છે, તો રણવીરના કપડાં કેમ પહેરે છે? ખોટી વાત. બીજા એક યૂઝરે લખ્યું – ટાઈડ હો તો વ્હાઈટ પ્લસ હો. દીપિકાએ એક તસવીરમાં પોઝ આપતા પેટ પર હાથ મૂક્યો છે. આવામાં કેટલાક ઈન્સ્ટા યૂઝર્સ તેને પેટમાં દુ:ખાવો થઈ રહ્યો હોવાની વાત કરી મજાક ઉડાવી રહ્યાં છે.

વર્ક ફ્રન્ટની વાત કરીએ તો દીપિકા હવે મેઘના ગુલઝારની ‘છપાક’માં જોવા મળશે, જેમાં તે એસિડ સર્વાઈવરનો રોલ પ્લે કરશે. આ ઉપરાંત તે ફિલ્મ 83માં કપિલ દેવની પત્નીનો રોલ પણ કરી છે, જેમાં રણવીર કપિલ દેવ બન્યો છે.