(Source: ECI/ABP News/ABP Majha)
Dilip Kumar Funeral: દિલીપ કુમાર સુપુર્દ-એ-ખાક,રાજકીય સન્માન સાથે આપવામાં આવી અંતિમ વિદાય
આજે સવારે 7-30 કલાકે તેમણે અંતિમ શ્વાસ લીધા. દિલીપ કુમારને શ્વાસ લેવામાં તકલીફને કારણે ફરી એક વખત 29 જૂનના રોજ હોસ્પિટલમાં દાખલ કરવામાં આવ્યા હતા.
LIVE
Background
બોલિવૂડના જાણીતા અને દિગ્ગજ એક્ટર દિલીપ કુમારનું 98 વર્ષની વયે નિધન થયું છે. મુંબઈની હિન્દુજા હોસ્પિટલમાં તેમણે આજે સવારે અંતિમ શ્વાસ લીધા.
આજે સવારે 7-30 કલાકે તેમણે અંતિમ શ્વાસ લીધા. દિલીપ કુમારને શ્વાસ લેવામાં તકલીફને કારણે ફરી એક વખત 29 જૂનના રોજ હોસ્પિટલમાં દાખલ કરવામાં આવ્યા હતા. આ સમય દરમિયાન તેમના પત્ની શાયરા બાનો તેમની સાથે જ હતા અને તેમણે ફેન્સને આશ્વાસન આપ્યું હતું કે તેમની સ્થિતિ સ્થિર છે.
દિલીપ કુમાર સુપુર્દ-એ-ખાક
દિલીપ કુમારને જુહુના કબ્રસ્તાનમાં સુપુર્દ-એ-ખાક કરવામાં આવ્યા હતા. દિલીપ કુમારને રાજકીય સન્માનસાથે અંતિમ વિદાય આપવામાં આવી હતી. આ દરમિયાન તેમનો પરિવાર જ નહીં બોલિવૂડ ઇન્ડસ્ટ્રીઝના અનેક દિગ્ગજો હાજર રહ્યા હતા.
મુંબઈ પોલીસે આખરી સલામી આપી
દિલીપ કુમારની અંતિમ યાત્રા શરૂ થઈ રહી છે. મુંબઈ પોલીસે આખરી સલામી આપી. રાજકીય સન્માન ( (ગાર્ડ ઓફ ઓનર) સાથે થશે અંતિમ વિદાય, થોડીવારમાં થશે અંતિમ વિદાય. તિરંગામાં લપેટાયો દિલીપ સાહેબનો પાર્થિવ દેહ.
પાકિસ્તાનના પીએમ ઈમરાન ખાને શોક વ્યક્ત કર્યો
Pakistan PM Imran Khan condoles the demise of veteran actor Dilip Kumar.
— ANI (@ANI) July 7, 2021
The actor was born in Peshawar, now in Pakistan, in 1922 pic.twitter.com/QL88okt70X
Dilip Kumar Death:દીલિપ કુમારનો એ વાયદો જે ક્યારેય પુરો ન થઇ શક્યો..
1966માં મધુબાલા બીમાર હતી. તેની સ્થિતિ ગંભીર હતી. તેમણે દિલીપ સાહેબને મળવા બોલાવ્યાં હતા.દિલીપ કુમારે કહ્યું હતું કે, " તે મરવા ન હતી માંગતી, મને ખૂબ જ અફસોસ થયો, જ્યારે તેમને મને પૂછ્યું કે, જો હું સાજી થઇશ જઇશ તો તું ફરી મારી સાથે ફિલ્મમાં કામ કરીશ?મે તેમને સાથે ફરી કામ કરવાનો વાયદો આપ્યો હતો પરંતુ પુરો ન થઇ શક્યો"
શું તમે જાણો છો, દિલીપ કુમારે મધુબાલા વિરૂદ્ધ કોર્ટમાં સ્ટેટમેન્ટ આપ્યું હતું
જ્યારે ફિલ્મના શૂટિંગ માટે દિલીપ કુમાર સાથે મધુબાલાને ભોપાલ જવાની તેના પિતા અતાઉલ્લા ખાને ના પાડી તો બી.આર.ચોપરાએ મધુબાલાને ફિલ્મમાંથી દૂર કરીને વૈજયંતી માલાને સાઇન કરી. આ મામલે મધુબાલાના પિતાએ બી.આર.ચોપરાએ સામે કેસ કર્યો હતો. દિલીપ કુમારે સિદ્ધાંતોની આ લડાઇમાં બીઆર ચોપરાને ટેકો આપવાનો નિર્ણય લીધો અને મધુબાલા અને તેના પિતા સામે કોર્ટમાં પુરાવા રજૂ કર્યા.
ટ્રેન્ડિંગ સમાચાર
ટોપ સ્ટોરી
