RRR: નથી અટકી રહ્યો 'RRR'નો ક્રેઝ, અમેરિકામાં રી-રિલિઝ બાદ ફિલ્મ હાઉસફુલ
RRR Gets Housefull Re-release In US: ઓસ્કાર 2023 પહેલા ટીમ 'RRR' અમેરિકામાં ફિલ્મનું જોરદાર પ્રચાર કરી રહી છે. ફિલ્મના સ્ક્રિનિંગમાં દર્શકોની ભારે ભીડ જોવા મળી હતી.
RRR Gets Housefull Re-release In US: એસએસ રાજામૌલીની ફિલ્મ 'RRR' માર્ચ 2022માં થિયેટરોમાં રિલીઝ થઈ હતી. લગભગ એક વર્ષ પછી પણ ફિલ્મનો જાદુ ચાલુ છે. જુનિયર એનટીઆર અને રામ ચરણ સ્ટારર ફિલ્મને ઓસ્કાર પ્રમોશન માટે 1 માર્ચના રોજ યુ.એસ.માં વિશ્વની સૌથી મોટી સ્ક્રીનીંગ તરીકે ફરીથી રિલીઝ કરવામાં આવી છે. આ સ્ક્રિનિંગ બમ્પર હાઉસફુલ સાથે ફરી એકવાર ઇતિહાસ રચી રહ્યો છે. 'RRR' માટે 1,600થી વધુ ટિકિટો વેચાઈ હતી અને ઘણા લોકો ભવ્ય સ્ક્રીનિંગ માટે લાંબી કતારોમાં ઉભા જોવા મળ્યા હતા.
અમેરિકામાં RRRએ મચાવી ફરી ધમાલ
ઓસ્કાર 2023 પહેલા ફરી એકવાર પ્રશંસકો થિયેટરોમાં 'RRR' માટે ઉમટી પડ્યા હતા. ફિલ્મના નિર્માતાઓએ ટ્વિટર પર અમેરિકામાં થિયેટરની કેટલીક ઝલક શેર કરી છે. થોડી જ મિનિટોમાં શો હાઉસફુલ થઈ ગયો અને ચાહકો ફરીથી ફિલ્મ જોવા માટે લાંબી કતારોમાં રાહ જોતા જોવા મળ્યા. નિર્માતાઓએ 12 માર્ચે યોજાનાર 95મા એકેડેમી એવોર્ડ્સ પહેલા આ વિશેષ સ્ક્રીનિંગ તૈયાર કર્યું હતું.
Tonight, in LA, for your consideration: Best Original Song, "Naatu Naatu".#RRRMovie is back in 275+ theaters tomorrow, bring your dancing shoes. pic.twitter.com/gDEl63JcQ4
— Variance Films (@VarianceFilms) March 2, 2023
RRRનો ચાહકોમાં ક્રેઝ
તમને જણાવી દઈએ કે, 'RRR'નું ગીત 'નાટૂ નાટૂ' ઓસ્કાર 2023 માટે બેસ્ટ સોંગ કેટેગરીમાં નોમિનેટ થયું છે. અન્ય એક રોમાંચક સમાચાર એ છે કે આ ગીત ગાયક રાહુલ સિપલીગંજ અને કાલ ભૈરવ દ્વારા સ્ટેજ પર લાઈવ પરફોર્મ કરવામાં આવશે. લોસ એન્જલસના ડોલ્બી થિયેટરમાં 12 માર્ચે 95માં એકેડેમી એવોર્ડ્સ યોજાશે. રાજામૌલી, NTR, ચરણ અને 'RRR'ની આખી ટીમ ગ્રાન્ડ નાઈટમાં સામેલ થવા માટે તૈયાર છે.
ભારતમાં 25 માર્ચ, 2022ના રોજ સિનેમાઘરોમાં રિલીઝ થઈ હતી
'RRR' ક્રાંતિકારી સ્વાતંત્ર્ય સેનાની અલ્લુરી સીતારામ રાજુ અને કોમારામ ભીમના જીવનની કાલ્પનિક વાર્તા પર આધારિત છે, જેમાં રામ ચરણ અને જુનિયર એનટીઆર મુખ્ય ભૂમિકાઓ ભજવે છે. આ ફિલ્મ ભારતમાં 25 માર્ચ, 2022ના રોજ સિનેમાઘરોમાં રિલીઝ થઈ હતી, ત્યારબાદ તે જાપાન અને અમેરિકામાં પણ રિલીઝ થઈ હતી. ફિલ્મમાં આલિયા ભટ્ટ, અજય દેવગન, શ્રિયા સરન જેવા કલાકારો પણ જોવા મળ્યા હતા.
300 કરોડના બજેટમાં બનેલી ફિલ્મ 'RRR'એ વિશ્વભરમાં બોક્સ ઓફિસ પર 1500 કરોડથી વધુની કમાણી કરી હતી. OTT પ્લેટફોર્મ પર રિલીઝ થઈ હોવા છતાં દર્શકો હજી પણ 'RRR'ને મોટી સ્ક્રીન પર જોઈ રહ્યા છે.
ટ્રેન્ડિંગ સમાચાર
ટોપ સ્ટોરી
