જ્હાનવી કપૂરની ડેબ્યૂ ફિલ્મ ‘ધડક’ ની 100 કરોડ ક્લબમાં એન્ટ્રી

આ સફળતાને લઈને કરણ જોહરે ટ્વિટ કર્યું કે, “ધડક ફિલ્મે દુનિયાભરના દર્શકોનું દિલ જીતી લીધું છે. દુનિયાભરમાં 100 કરોડ રૂપિયાથી વધારે કમાણી કરી છે. ન્યૂકમર્સ સાથે બનાવવામાં આવેલી ફિલ્મ માટે આ પ્રકારની સફળતા કોઈ સામાન્ય વાત નથી, તમારા પર ગર્વ છે જ્હાનવી અને ઈશાન.”

જણાવી દઈએ કે ગત મહિનામાં 20 જુલાઈએ રિલીઝ થયેલી ધડકે ઓપનિંગ દિવસે 8.71 કરોડ રૂપિયાની કમાણી કરી હતી. રિલીઝના પ્રથમ વિકેન્ડમાં ધડકે 33.76 કરોડ રૂપિયાની કમાણી કરવામાં સફળ રહી હતી. આ ફિલ્મના રિલીઝના બીજા અઠવાડિયા સુધી દેશભરમાં 63.39 કરોડ રૂપિયા અને દુનિયાભરમાં અત્યાર સુધી 100 કરોડ રૂપિયાથી વધુ કમાણી કરી ચુકી છે.

બોલીવુડમાં કોઈ પણ ન્યૂકમરની પ્રથમ ફિલ્મ દ્વારા અત્યાર સુધીની શાનદાર કમાણી છે.

મુંબઈ: જ્હાનવી કપૂરની ડેબ્યૂ ફિલ્મે ‘ધડક’ એ દુનિયાભરમાં બોક્સ ઓફિસ પર 100 કરોડ રૂપિયાથી વધુ કમાણી કરી લીધી છે. તેની સાથે આ ફિલ્મે 100 કરોડ ક્લબમાં એન્ટ્રી કરી લીધી છે.

ધડક મરાઠીની બ્લોક બસ્ટર “સૈરાટ”ની હિંદી રીમેક છે. ધડકનું નિર્માણ કરણ જોહરના બેનર હેઠળ બની છે. જેમાં જ્હાનવી, ઈશાન સિવાય ફિલ્મમાં આશુતોષ રાણાએ મહત્વની ભૂમિકા ભજવી છે.