ક્યારથી બંધ થશે અમિતાભ બચ્ચનનો શો ֹ‘કૌન બનેગા કરોડપતિ-10’, જાણો વિગતે

મુંબઈઃ ટેલિવિઝનનો જાણીતો ગેમ શો ‘કૌન બનેગા કરોડપતિ’ને અમિતાભ બચ્ચનના ફેન્સ જ નહીં પરંતુ સામાન્ય લોકો પણ ખૂબ પસંદ કરે છે. હાલમાં આ ગેમ શોની 10મી સીઝન ચાલી રહી છે. માટે સમયની સાથે આ શો ટીઆરપી ચાર્ટમાં ધીમે ધીમે ઉપર આવી રહ્યો છે.

આ વખતે કેબીસીની 10મી સીઝન 3 સપ્ટેમ્બર 2018ના રોજ ઓન એર થઈ હતી. આ વખતે શોની ટેગ લાઈન ‘કબ તક રોકોગે’ રાખવામાં આવી હતી. અમિતાભ બચ્ચને પણ આ શોને આમ આદમી માટે મહત્ત્વપૂર્ણ જણાવતા કહ્યું હતું કે, એક સામાન્ય વ્યક્તિ પરેશાનીઓ છતાં હંમેશા પ્રયત્ન કરતો રહે છે. માટે આ શોની ટેગ લાઈન આ રાખવામાં આવી છે.

હવે આ જાણીતા શોની આ સીઝન અંત તરફ આગળ વધી રહી છે. સોમવારથી શુક્રવાર સુધી પ્રસારીત થનારો શો 23 નવેમ્બરે ઓફ એર થઈ જશે. કહેવાય છે કે, આ શો બંધ થયા બાદ ચેનલ કેબીસી 10ની જગ્યાએ 2 નવી ડેલી શો લોન્ચ કરવા જઈ રહી છે. હવે એ જોવાનું છે કે, કેબીસી 10ની જગ્યાએ આ બન્ને સીરિયલોને દર્શકો કેટલી પસંદ કરે છે.