'તારક મહેતા કા...'ને 10 વર્ષ પૂરાં થતાં વૈષ્ણોદેવીમાં રખાયેલી પૂજા, જાણો કેમ કાર્યક્રમ રખાયો મોકૂફ ?

મુંબઈઃ સબ ટીવીના લોકપ્રિય શો ‘તારક મહેતા કા ઉલ્ટા ચશ્મા’નાં 10 વર્ષ પૂરા થવાના છે. શો શરૂ થયો ત્યારે જેટલો લોકપ્રિય હતો તેટલો જ આજે પણ છે. ભારતના સૌથી લાંબા ચાલનારા હિન્દી ફિક્શન શોમાં સ્થાન પામી ચૂકેલા આ શોએ 10 વર્ષ પૂરી થવા પર જશ્ન મનાવવાની તૈયારી કરી હતી. પરંતુ હવે સેલિબ્રેશન કેન્સલ કરી દેવામાં આવ્યું છે.

સીરિયલમાં ડો. હાથીનો રોલ કરતા કવિ કુમાર આઝાદના થોડા દિવસો પહેલા થયેલા નિધનના કારણે તેની યાદમાં ટીમે જશ્ન નહીં બનાવવાનો નિર્ણય કર્યો છે. કવિ કુમાર આઝાદનું તાજેતરમાં જ હાર્ટ અટેકથી નિધન થયું છે.

વધારે પડતાં વજનના કારણે કવિ કુમાર ઘણી વાર બીમાર પડી જતાં હતા. બીમારી હોવા છતાં તેઓ સેટ પર આવીને કામ કરતાં હતા.