ડ્રગ્સ રેકેટ મામલે બોલિવૂડ અભિનેત્રીની પ્રોપર્ટી જપ્ત કરવાનો કોર્ટનો આદેશ

કૉર્ટે મમતા કુલકર્ણી અને વિકી ગોસ્વામીને ભાગેડું જાહેર કર્યા છે. સૂત્રોનાં જણાવ્યા પ્રમાણે મમતા અને વિકી અત્યારે કેન્યામાં રહે છે. ફરિયાદી પક્ષે કહ્યું હતું કે મમતા અને વિકી ગોસ્વામીને ભાગેડું જાહેર કરવાની કાર્યવાહી શરૂ કરવાની મંજુરી માંગી હતી.

નાર્કો ડ્રગ અને નશીલા પદાર્થ(એનડીપીએસ) અદાલતનાં ન્યાયાધિશ એચ.એમ. પટવર્ધન દ્વારા આદેશ અપાયા પછી સરકારી વકીલ શિશિર હિરાયે કહ્યું કે, “હવે પોલીસે 30 દિવસની અંદર કાર્યવાહી રિપોર્ટ જમા કરાવવો પડશે. પોલીસને આરોપીઓની સંપત્તિ જપ્ત કરવાની અને વૉરંટ મોકલવાની સત્તા આપવામાં આવી છે.”