ED Summons Nora Fatehi: 200 કરોડના ખંડણી કેસમાં આ એક્ટ્રેસ ED ઓફિસ પહોંચી, થશે પૂછપરછ
એન્ફોર્સમેન્ટ ડિરેક્ટોરેટ સ્પષ્ટપણે કહે છે કે નોરા ફતેહીના નિવેદનો ભૂતકાળમાં પણ નોંધાયેલા છે.
નવી દિલ્હી: બોલિવૂડ અભિનેત્રી અને મોડલ નોરા ફતેહી ખંડણીના એક કેસમાં પૂછપરછ માટે દિલ્હીની ઇડી ઓફિસ પહોંચી છે. નોરા ફતેહીની દિલ્હીની તિહાડ જેલમાંથી 200 કરોડની ખંડણીના કેસમાં પૂછપરછ કરવામાં આવશે. આ કેસમાં અભિનેત્રી જેકલીન ફર્નાન્ડીઝને પણ પૂછપરછ માટે ઈડી દ્વારા બોલાવવામાં આવી છે. જેકલિન આવતીકાલે ઇડી ઓફિસમાં આવે તેવી શક્યતા છે.
એન્ફોર્સમેન્ટ ડિરેક્ટોરેટ સ્પષ્ટપણે કહે છે કે નોરા ફતેહીના નિવેદનો ભૂતકાળમાં પણ નોંધાયેલા છે. અગાઉ નોંધાયેલા નિવેદનોમાં વિરોધાભાસ જોવા મળ્યા હતા. તેના આધારે તેને ફરી એક વખત દિલ્હી કાર્યાલયમાં પૂછપરછ માટે બોલાવવામાં આવી છે.
જોકે, સૂત્રોનું કહેવું છે કે નોરા ફતેહીને આ કેસમાં સાક્ષી તરીકે જોવામાં આવી રહી હતી. પરંતુ આજ સાંજ સુધી પૂછપરછ કર્યા બાદ તેની આ કેસમાં શું ભૂમિકા છે તે સ્પષ્ટ થશે.
Delhi: Actor & dancer Nora Fatehi reaches the Enforcement Directorate (ED) office to join the investigation in connection with the conman Sukesh Chandrashekhar case pic.twitter.com/c3t5YEMEaA
— ANI (@ANI) October 14, 2021
શું છે મામલો?
નોંધનીય છે કે, નોરા ફતેહીની સુકેશ ચંદ્રશેખર કેસમાં પૂછપરછ કરવામાં આવી રહી છે, સુકેશ ચંદ્ર શેખર હાલમાં તિહાડ જેલમાં બંધ છે અને તેણે જેલની અંદરથી લગભગ 200 કરોડની છેતરપિંડી કરી છે. ED એ સુકેશ અને તેની કથિત પત્ની અભિનેત્રી લીના પોલ સામે કડક કાર્યવાહી શરૂ કરી છે. સુકેશે નોરાને પોતાની જાળમાં ફસાવીને પૈસા પડાવવાનો પ્રયાસ કર્યો હતો.
જાણો નોરા ફતેહી કોણ છે?
નોરા ફતેહીનો જન્મ કેનેડામાં થયો હતો અને મૂળ કેનેડિયન મોડેલ અને અભિનેત્રી છે. નોરાનો ભારત સાથે પણ સંબંધ છે, હકીકતમાં નોરાની માતા ભારતીય મૂળની છે. ભારતમાં આવ્યા પછી, તેણી આ ઉદ્યોગમાં જોડાઈ ગઈ. હિન્દી ઉપરાંત, તેણે તેલુગુ અને મલયાલમ ફિલ્મોમાં પણ કામ કર્યું છે. તેણે 'રોર - ટાઇગર્સ ઓફ સુદરબાન' ફિલ્મથી બોલિવૂડમાં પ્રવેશ કર્યો હતો. તેણે રિયાલિટી શો બિગ બોસ અને ઝલક દિખલા જામાં પણ ભાગ લીધો હતો.
ટોપ સ્ટોરી
ટ્રેન્ડિંગ સમાચાર
