પ્રિયંકા ચોપડા-નિક જાનાસે ખ્રિસ્તી રીતિ રિવાજથી કર્યા લગ્ન, આવતીકાલે હિંદુ રિવાજથી કરશે

આ લગ્નને ખૂબજ પ્રાઇવેટ રાખવામાં આવ્યા છે. લગ્નની તસવીરો લીક ના થાય તે માટે ત્યાં પહોંચેલા તમામ મહેમાનોના ફોનની મોનાઇ કરવામાં આવી છે.

પ્રિયંકા ચોપડા અને નિક જોનાસે આજે ખ્રિસ્તી રીતિ રિવાજથી લગ્ન કરી લીધાં છે. આ પરંપરા અનુસાર બન્નેએ એકબીજાને કિસ કરી હતી. લગ્ન બાદ નિકે પ્રિયંકાને ઊંચકી લીધી હતી અને બન્નેએ ડાન્સ પણ કર્યો હતો. આ લગ્ન જોધપુરના ઉમ્મેદ પેલેસમાં થઈ રહ્યા છે. આવતીકાલે હિંદુ રીતિ-રિવાજો પ્રમાણે લગ્ન કરશે.

પોતાની જિંદગીના આ ખાસ અવસર પર પ્રિયંકા ચોપડાએ Ralph Laurenનો ગાઉન પહેર્યો હતો. જ્યારે નિક જોનાસે બ્લેક કલરનો ડ્રેસ. લગ્ન બાદ બન્નેએ મિત્રો સાથે ફોટોશૂટ પણ કરાવ્યું હતું.

અંબાણી પરિવાર પણ લગ્નમાં પહોંચ્યો હતો. આ લગ્નમાં લગભગ 100 જેટલા મહેમાનો ભાગ લઈ રહ્યા છે.