Swatantra Veer Savarkar : સ્વાતંત્ર્ય વીર સાવરકર ફિલ્મનું પોસ્ટર રિલીઝ, લીડ રોલમાં જોવા મળશે રણદીપ હુડ્ડા
Swatantra Veer Savarkar : ફિલ્મ 'સ્વતંત્રવીર સાવરકર'નો પ્લોટ વિનાયક દામોદર સાવરકરના જીવન પર આધારિત હશે. ફિલ્મનું શૂટિંગ લંડન, મહારાષ્ટ્ર, આંદામાન અને નિકોબારમાં થશે.
Swatantra Veer Savarkar : આજે 28 મે, શનિવારના દિવસે સ્વાતંત્ર્યવીર સાવરકરની 139મી જન્મજયંતિ છે. નિર્માતા સંદીપ સિંહ અને આનંદ પંડિત, નિર્દેશક મહેશ માંજરેકરે તે જ દિવસે તેમની આગામી ફિલ્મ સ્વતંત્ર વીર સાવરકર (Swatantra Veer Savarkar)નો ફર્સ્ટ લૂક રિલીઝ કર્યો હતો. અભિનેતા રણદીપ હુડ્ડા (Randeep Hooda) 'વીર સાવરકર'નું પાત્ર ભજવી રહ્યો છે. પોસ્ટર પર લખ્યું છે કે 'હિંદુ ધર્મ કોઈ ધર્મ નથી, ઈતિહાસ છે'. ફિલ્મનું શૂટિંગ ઓગસ્ટ 2022માં શરૂ થવાનું છે.
ફિલ્મ 'સ્વતંત્રવીર સાવરકર'નો પ્લોટ વિનાયક દામોદર સાવરકરના જીવન પર આધારિત હશે. ફિલ્મનું શૂટિંગ લંડન, મહારાષ્ટ્ર, આંદામાન અને નિકોબારમાં થશે.
The revolutionary freedom fighter, presenting @RandeepHooda in & as #SwatantraVeerSavarkar Motion Poster! #139yearsofsavarkar@anandpandit63 @thisissandeeps @directorsamkhan@apmpictures @LegendStudios_ #roopapandit #zafarmehdi @deepaksahupr pic.twitter.com/nZBE471jIx
— Mahesh Manjrekar (@manjrekarmahesh) May 28, 2022
રણદીપે વજન ઘટાડવાનું શરૂ કરી દીધું
રણદીપ હુડ્ડાએ આ ફિલ્મમાં પોતાના રોલ વિશે એક ઈન્ટરવ્યુમાં જણાવ્યું હતું કે, "ઘણા ક્રાંતિકારીઓ છે જેમણે આપણા દેશને આઝાદી અપાવવામાં મહત્વની ભૂમિકા ભજવી છે. વિનાયક દામોદર સાવરકરનું નામ પણ મોખરે છે. તેમના વિશે ઘણી ચર્ચા થઈ રહી છે. લોકો તેમના વિશે કેટલીક ગેરમાન્યતાઓ છે.તેથી તેમની વાર્તા દર્શકો સમક્ષ રજૂ કરવી જરૂરી છે. રણદીપે ફિલ્મ વિશે એક ટ્વીટ પણ શેર કરી હતી. તેણે ટ્વીટના કેપ્શનમાં લખ્યું હતું કે, 'કેટલીક વાતો કહેવામાં આવે છે, કેટલીક જીવવામાં આવે છે.
સ્વતંત્ર વીર સાવરકરની સ્ક્રિપ્ટ લગભગ પૂર્ણ થઈ ગઈ છે. આ રોલ માટે રણદીપ કેટલી મહેનત કરી રહ્યો છે તેનો અંદાજ ફિલ્મના ફર્સ્ટ લૂક પરથી લગાવી શકાય છે. મીડિયા રિપોર્ટ્સ અનુસાર, અભિનેતાએ આ રોલ માટે વજન ઘટાડવાનું શરૂ કરી દીધું છે.
રણદીપની બીજી બાયોપિક ફિલ્મ
બોલિવૂડ એક્ટર રણદીપ હુડ્ડાની આ બીજી બાયોપિક હશે. આ પહેલા તેણે બાયોપિક ફિલ્મ 'સરબજીત'માં મહત્વની ભૂમિકા ભજવી હતી. રણદીપ હુડ્ડા અને ફિલ્મમેકર સંદીપ સિંહ અગાઉ ફિલ્મ 'સરબજીત'માં સાથે કામ કરી ચૂક્યા છે. બંને ફિલ્મ માટે ફરી સાથે આવ્યા છે. ફિલ્મ 'સ્વતંત્રવીર સાવરકર' સંદીપ સિંહ અને આનંદ પંડિત દ્વારા નિર્મિત છે અને મહેશ માંજરેકર દ્વારા નિર્દેશિત છે.
ટ્રેન્ડિંગ સમાચાર
ટોપ સ્ટોરી
