જિયોને ટક્કર આપવા આ કંપનીએ લોન્ચ કર્યો 49 રૂપિયામાં 3GB ડેટા પ્લાન, જાણો પૂરી ઓફર

349 રૂપિયાવાળા પ્લાનની વાત કરવામાં આવે તો તેમાં જૂના 70જીબી ડેટાની તુલનામાં 28 દિવસની વેલિડિટી દરિયાન 84 જીબી 4જી ડેટા ગ્રાહકોને આપવામાં આવે છે. આ પ્લાનમાં અનલિમિટેડ કોલ્સની સાથે દરરોજ 100 એસએમએસ પણ આપવામાં આવે છે. ઉપરાંત કોલ માટે કોઇ મર્યાદા પણ નથી રાખવામાં આવી.

એરટેલના આ પ્લાનમાં માત્ર ગ્રાહકોને ડેટા ઉપલબ્ધ કરાવવામાં આવી રહ્યો છે. એટલે કે તેમાં વોઇસ કોલિંગનો ફાયદો નહીં મળે. 49 રૂપિયાવાળા આ પ્લાનમાં અન્ય ગ્રાહકોને 1GB ડટા આપવામાં આવે છે.પરંતુ હવે તેમાં ફેરફાર કરીને 3GB આપવામાં આવી રહ્યો છે. આ પેકની વિશેષતા એ છે કે તેમાં 4G/3G ડેટા ઉપલબ્ધ કરાવવામાં આવી રહ્યો છે.

આ પહેલા એરટેલે 249 રૂપિયાવાળો પ્લાન રજૂ કર્યો હતો. તેની સાથે જ 349 રૂપિયાવાળા પ્લાનમાં પણ ફેરફાર કરવામાં આવ્યો હતો. આ પ્લાનની વાત કરીએ તો તેમાં પ્રતિદિન 2GB ડેટા આપવામાં આવે છે અને તેની વેલિડિટી 28 દિવસની છે. ઉપરાંત 349 રૂપિયાના પ્લાનમાં હવે દરરોજ 2.5 જીબીના બદલે 3 જીબી ડેટા આપવામાં આવી રહ્યો છે.

249 રૂપિયાના પ્લાનના મુકાબલે જિયોના 198 રૂપિયાનો પ્લાન છે. આ પ્લાનમાં પ્રતિદિન 2જીબી ડેટા ઉપરાંત અનલિમિટેડ વોઇસ કોલ, રોમિંગ કોલ અને પ્રતિદિન 100 એસએમએસ આપવામાં આવી રહ્યો છે. એટલેકે પૂરી વેલિડિટી દરમિયાન કુલ 56જીબી ડેટા મળી રહ્યો છે.

મુંબઈઃ જિયોને ટક્કર આપવા એરટેલે એક નવો પ્લાન લોન્ચ કર્યો છે. કંપનીએ પસંદગીના ગ્રાહકો માટે 49 રૂપિયામાં 3GB 4G ડેટા આપી રહી છે. જોકે, પ્લાનની વેલિડિટી માત્ર 1 દિવસની છે. આ એક પ્રીપેડ પ્લાન છે અને પોસ્ટ પેડ ગ્રાહકો તેનો લાભ નહીં લઈ શકે.