ટૂંકમાં આવશે 10GB રેમ વાળો સ્માર્ટફોન, જાણો ફીચર્સ

જણાવી દઈએ કે કંપનીએ આ વર્ષે માર્ચમાં પોતાનો R15 સ્માર્ટફોન ચીનમાં લૉન્ચ કર્યો હતો. R17 તેનું જ અપગ્રેડેડ વેરિયન્ટ છે. જો અહેવાલો સાચા છે તો Oppo R17 પહેલો ફોન હશે જેમાં 10જીબી રેમ આપવામાં આવી છે. આ ઉપરાંત અન્ય એક ફોન જેમાં 10જીબી રેમ હોવાના અહેવાલ છે. Vivoનો Xplay7 સ્માર્ટફોન પણ 10જીબી રેમની સાથે મળી શકે છે.

ચીનની સોશિયલ નેટવર્કિંગ સાઈટ Weibo પર Kumamoto Technology નામના એક યૂઝરે કોઈ ઈવેન્ટના ફોટા શેર કર્યા હતા. તસવીરોમાં જોઈ શકા છે કે, ઓપ્પોના આર 17 હેન્ડસેટની કેટલીક ઝલક લોકોને જોવા મળી છે. જોકે કંપની તરફથી કોઈ સ્પષ્ટતા કરવામાં આવી નથી પરંતુ મળતા અહેવાલ મળી રહ્યા છે કે આ ફોનમાં 10જીબી રેમ હશે. સૌથી પહેલા PlayfulDroid વેબસાઈટ પર આ ફોનની તસવીરો જોવા મળી હતી.