ચોથા ક્વાર્ટર દરમિયાન ભારતમાં વેચાયા 2.58 કરોડ સ્માર્ટફોન, સેમસંગ પ્રથમ સ્થાને યથાવત

ઓક્ટોબર-ડિસેમ્બર ક્વાર્ટરમાં હિસ્સેદારીની દૃષ્ટિએ જોઈએ તો સેમસંગ 25.1 ટકા સાથે પ્રથમ સ્થાન પર રહી છે. ત્યાર બાદ શ્યાઓમી 10.7 ટકા સાથે બીજા, લેનોવો 9.9 ટકા સાથે ત્રીજા, ઓપ્પો 8.6 ટકા સાથે ચોથા અને વીવો 7.6 ટકા સાથે પાંચમાં સ્થાન પર રહી.

ચોથા ક્વાર્ટર દરમિયાન 31.2 ટકા સ્માર્ટફોન્સનું વેચાણ ઓનલાઈનના માધ્યમથી થયું છે. તેમાં 50 ટકા હિસ્સેદારી શ્યાઓમી અને લેનોવોની છે. સમગ્ર વર્ષ (2016)ની વાત કરીએ તો કુલ 10.91 કરોડ સ્માર્ટપોનનું વેચાણ થયું, જે વિતેલા વર્ષની તુલનામાં 5.2 ટકા વધારે છે.