કોંગ્રેસે ઉમેદવારો નક્કી કરવા માટે બનાવી સ્ક્રીનિંગ કમિટી, જાણો ક્યા 11 સભ્યો નક્કી કરશે ઉમેદવારો ?

ગાંધીનગર: ગુજરાત વિધાનસભાની 2017ની ચૂંટણીમાં ભાજપને હરાવવા કોંગ્રેસે કમર કસી છે અને તેમાં કોઈ કમી ન રહી જાય એટલા માટે ગુજરાતની 182 વિધાનસભા બેઠકોના ઉમેદવારોની પસંદગીમાં કોઈ કસર ના રહી જાય એવો નિર્ણય કોંગ્રેસ દ્વારા કરાયો છે. આ માટે કોંગ્રેસે એક સ્ક્રીનીંગ કમિટીની રચના કરી છે.

આ ઉપરાંત ગુજરાત કોંગ્રેસના ચાર સહપ્રભારી રાજીવ સાતવ, વર્ષા ગાયકવાડ, જીતુ પટવારી અને હર્ષવર્ધન સપકાલેનો સમાવેશ થાય છે. આ કમિટીના વિધાનસભાની જે તે બેઠક પર નક્કી કરાયેલી પેનલમાંથી ઉમેદવાર નક્કી કરીને કોંગ્રેસની વર્કિંગ કમિટી સમક્ષ રજૂ કરે છે.

આ કમિટીમાં કોંગ્રેસે થોરાટ ઉપરાંત ઉત્તર પ્રદેશના ધારાસભ્ય અજય લાલુ, એઆઇસીસીના સેક્રેટરી ગિરીશ ચોડાણકર, મીનાક્ષી નટરાજનની નિમણૂક કરી છે. આ ઉપરાંત હોદ્દાની રૂએ પ્રદેશ પ્રમુખ ભરતસિંહ સોલંકી, વિરોધ પક્ષના નેતા નારણસિંહ રાઠવા, પ્રદેશ પ્રભારી અશોક ગેહલોત પણ કમિટીમાં હશે.

કોંગ્રેસ દ્વારા ગુજરાતની આગામી વિધાનસભાની ચૂંટણીને ધ્યાનમાં રાખીને જાહેર કરાયેલી સ્ક્રીનિંગ કમિટીમાં મહારાષ્ટ્રના પૂર્વ મંત્રી અને હાલના ધારાસભ્ય બાલાસાહેબ થોરાટની અધ્યક્ષસ્થાને છે. કોંગ્રેસ પ્રમુખ સોનિયા ગાંધીએ આ કમિટીમાં ચાર સભ્યો નીમ્યા છે, જ્યારે અન્ય સાત સભ્યો હોદ્દાની રૂએ તેમાં સ્થાન મેળવશે.