રાજપીપળાઃ ટ્રક અને સ્વીફ્ટ કાર વચ્ચે અકસ્માત, ચાર યુવકોના મોતથી અરેરાટી

રાજપીપળાઃ નર્મદા જિલ્લાના ખામર ગામ પાસે ટ્રક અને સ્વીફ્ટ કાર વચ્ચે ગમખ્વાર અકસ્માત થતાં ચાર યુવકોના કમકમાટીપૂર્ણ મોત થયા છે. એક જ ગામના ચાર યુવકોના મોત થતાં આખા ગામમાં અરેરાટી વ્યાપી ગઈ હતી.

ચારેયના મોતના સમાચાર ગામમાં મળતાં શોકની લાગણી ફરી વળી હતી. ચારેયની લાશને પીએમ માટે હોસ્પિટલ લઈ જવાતાં સગા-સંબંધીઓ હોસ્પિટલે ઉમટી પડતાં ત્યાં પણ કરુણ દ્રશ્યો સર્જાયા હતા.