હાર્દિક પટેલે કોંગ્રેસને શું આપી ચેતવણી? અમિત શાહ-નરેન્દ્ર મોદી અંગે શું કહ્યું? જાણો વિગત

અમદાવાદઃ પાટીદાર અનામત આંદોલન સમિતી(પાસ)ના કન્વિનર હાર્દિક પટેલે કોંગ્રેસને ચેતવણી આપી છે કે કોંગ્રેસ સત્તામાં આવે અને અમને અનામત નહીં આપે તો હું તેમની સામે પણ લડીશ. હાર્દિકે એ સ્પષ્ટતા પણ કરી કે, મે કોંગ્રેસ સાથે કોઈ જોડાણ નથી કર્યું. મારો એક જ પોઈન્ટનો એજન્ડા છે કે ગમે તે ભોગે ભાજપને હરાવવું.

હાર્દિકે જણાવ્યું કે, અમને કોઈ ઉપકાર નથી જોઈતો, અમે તો ન્યાયની માગણી કરી રહ્યા છે. ફકત થોડા પટેલો પૈસાદાર હોય તેનો મતલબ એવો નથી કે બધા પટેલો પૈસાદાર છે. મોટા ભાગના પટેલોએ તેમની જમીન ગુમાવી છે અને વળતરમાં તેમને કશું જ મળ્યું નથી.